+
—————
+
صعدت للسطح بعدما أعدت له كأس من العصير بمحبة كبيرة وكأنه ابنها رفع نظره عن الكتاب بعدما شعر بها فقال بإحراج:
_” ليه كدة بس يا خالة نهال… تاعبة نفسك ليه أنا قربت أخلص وهنزل ”
+
ابتسمت له بود وهي تقول:
_” وأنا عندي كام نوح يعني… اشرب بالهنا والشفا على قلبك… ربنا يجعل تعبك بفايدة ”
+
أومأ لها بإبتسامة وقال بشكر:
_” تسلم ايدك ”
+
نظرت لما يذاكر فتفاجأت وقالت بحنق مزيف:
_” اممم Français من غيري؟؟.. احنا مش متفقين نذاكره سوى ولا حضرتك نسيت؟؟”
+
ضحك بخفة وهو يبرر:
_” لأ أنا كنت بذاكر فيزيا بس قولت أبص عليه للترفيه كدة ”
+
حركت يدها في شعره بغيظ مصطنع وهي تقول:
_” لأ انت بتخم يا ولد وكدة هيخلق بينا حواجز كتير… ”
+
شعر بالإحراج من تعاملها معه كطفل وهذا ما وصلها منه فطالعته بأعين ضيقة وهي تسأل بتوجث:
_” لأ ماتقولش… انت هتبدأ تكبر عليا أنا كمان ولا ايه يا شيخ نوح… لأ بص ياحبيبي دا انت مولود على ايدي، أنا أعرف أمك الله يرحمها من قبل ما تتجوز أبوك أصلًا وكنا أكتر من اخوات…. وأنا اللي ربيتك بعد ما ربنا حرمك منهم…. انت ابني التاني يانوح اياك تنسى الكلام ده ”
+
تنهد بإنزعاج من حاله لما أوصله لها من شعور بالغربة فابتسم في وجهها بإمتنان وقال: