_” طلباتك عشان تسيبها ”
+
وضع المعلم يده على كتف سنايبر بإستهزاء رغم فارق الطول بينهما فسنايبر حقًا فارع الطول
+
_” الحيلة كانت عايزة لا مؤاخذة تلبسني حلقان، تدخل ما بينا وتاخد الأخبار اللي عايزاها وبعدين تخرج برنسيسة…. بس على مين دا أنا المعلم عيَّاد الحلو اللي عمر ما راجل قدر يسكني على قفايا تيجي المفعوصة دي وتلعب بيا الكورة دا أنا أطلع بقلبها وأحمره بزيت زفر ”
+
وضعت يدها تلقائيًا على قلبه بذعر وقالت برجاء:
_ ” يالهوي قلبي لأ… الحقني يا سيد الرجالة عايز ييتم عيالنا الخمسة…. مش خمسة برضو ولا نسيت حد؟ ”
+
رماها سنايبر بنبرة تهديدية فغمزت له بعبث وكأنها في دريم بارك ليست معلقة من ملابسها وسط عصابة إجرامية خطيرة، أعاد نظره لعيَّاد ونطق بنبرة جامدة:
_” وايه نوع الأدلة اللي ممكن تمسكها عليك يا حلو، حسب معلوماتي انك راجل محترم صاحب قهوة وكام عمارة وعايش بالحلال ”
+
أخرجت نور صوت ساخر فأردف المعلم بغيظ:
_” دا انت شكلك دارس بقى وجاي تصيع عليا، حلو هجيلك عدل… عارف انك من طرف سيّد الفار أكبر منافس ليا في السوق…. محروق من لما أخدت منه شوية من العيال اللي تحت ايده ”
+
قالها وأشار نحو مجموعة صبية لم تتخطى أعمارهم الثمانية عشر عامًا واقفون ضمن رجال عيَّاد،