+
توترت قليلًا ثم أردفت بكذب:
_” والله ماضيقتها دا أنا اللي مَلِيت شوية وبعدين البنات كلها بتحط مكياج ما بالك أنا يادوب حاطة روج ومليَّطة بيه شوية على خدودي عشان ماحلتيش غيره ”
+
اقتربت منها أمها ونهرتها بغضب:
_” امسحي يا بت القرف ده ايه ماسمعتيش خطبة الجمعة اللي فاتت الشيخ قال ايه على الخروج بالزينة ”
+
سخرت سها ضاحكة وقالت لاوية فمها:
_” قصدك الشيخ نوح!، ابن اخوكِ معقد ودماغه دقة قديمة أومال لو شاف اللي صحابي بيعملوه، اسكتي ياما وريحي دماغك قال زينة قال!”
+
_” يتسكت حسك يابعيدة ماهو كله من صحابك خصوصًا شهد هانم اللي شاطحة بعيد ولا عمري ارتاحتلها” هكذا زجرتها عتاب لتسمع صوت خشن يأتي من خلفها يصرخ فيها بسخط:
_” جرى ايه ياولية نازلة زعيق على الصبح ليه مش عارف أتخمد ”
+
التفتت لذلك الواقف عند باب الغرفة وقالت وكلها رجاء أن يأخذ موقف هذه المرة:
_” تعالى شوف بنتك عاملة في وشها ايه! أنا تعبت وجبت أخري ”
+
طالع ابنته قليلًا بعدم تركيز وصاح في زوجته بحنق:
_” مالها البت ياختي شايفاها قالعة، خليها تمَشِّي سوقها يمكن تقع على واحد يدفع فيها قرشين ينفعونا”
1
لطمت عتاب خديها وهتفت بحسرة:
_” عوضي عليك يارب…. هو ده كل همك، ياشيخ منك لله هتفتح عينيها وتفسد أخلاقها أكتر ماهي، بقى انت أب انت… آاااه “