_” كنت فين يا أبو سها قلقنا عليك؟ ”
+
استدار له عرفة ورمقه بسخط وقال بسخرية:
_” لأ ماهو القلق واكلك أهو…. كنت فين انت يا شملول على الصبح؟! ”
+
رد نوح بهدوء:
_” صليت الفجر وقعدت شوية في الجامع ”
+
أخرج عرفة صوت ساخر وأردف بلذاعة:
_” اه ما انت عامل فيها شيخ وهتفتَّح عين الحكومة علينا… ما تشيل البتاعة اللي واكلة وشك دي يالا خلينا ماشيين متداريين”
+
هز نوح رأسه بأسى فهذا ما يسمعه من زوج عمته كلما التقاه كأن شُرب الخمر والممنوعات حلال وتلك اللحية التي يتخذها سُنَّة عن النبي صلى الله عليه وسلم أصبحت هي الحرام المُضلل،
2
سمع عرفة يضيف بملل:
_” انت لسه هتبلم… افتح الباب ده عايز أدخل أتخمد ”
+
نظر الفتى للأرض ثوانٍ ثم طالع عرفة مرة أخرى ونبس بتردد:
_” طب يعني تلاقي البنات فاقوا عشان مدرستهم…. تعالى نطلع القهوة تغسل وشك وناخد اتنين قهوة ي… ”
+
أدلى بهذا الإقتراح كي لا ترى بنات عمته أباهما في هذا الحال المزري حفاظًا على مشاعرهما لكن عرفة لم يترك الفتى يُكمل حديثه وصاح فيه بتبجح:
_” جرى ايه يالا انت عايز تمنعني أدخل بيتي كمان!! مش كفاية لمَّك من الشوارع ومستقبلك فيه ومستحمل قرفك لما هتشبِهنا قريب “