+
تنهد والده بأسى قائلًا:
_ ” ربنا يرحمه ياحبيبي، قوم بقى قلبي بيتقطع عليك، لازم تفوق لنفسك، وعيب كل الفترة دي ماتكلمش خطيبتك، دي البنت كلمتني كتير وقلقانة عليك، ناقص تجيلك لحد هنا ”
+
أغمض بكر عينيه بضيق من نفسه فهو حقا كان يتجاهل مكالماتها طوال الأيام السابقة:
_ ” أنا هكلمها وأصالحها ”
+
ابتسم صلاح بتفاؤل وقال متذكرًا:
+
_ ” صحيح كنت كمان عايز أفاتحك في حاجة ومحتاج رأيك”
+
عقد بكر حاجبيه بتساؤل وأخذ نفس عميق قائلًا بهدوء:
_ ” خير يا بابا، اتفضل ”
+
اقترب صلاح بكرسيه المتحرك من سرير ابنه نظرًا لعدم قدرته على المشي بسبب حادث قديم، وبدأ يشرح له الأمر:
+
_ ” فيه شاب سكن في الشقة الصغيرة اللي قبالنا، أجرها من صاحبها من أسبوعين، المهم جالي مرة وعرض عليا أكل بيتي عامله بنفسه بس حلو أوي، وبقيت أتعامل معاه يطبخلي اللي أنا عايزة ويجيبه متغلف و بياخد حقه، وشغال كدة مع كتير من سكان العمارة ربنا يباركله، ففي قاعدة فهمت أن الشغل ده مش مكفي مصاريفه وبيدور على شغل جانبه، قومت عرضت عليه ياخد الجزء المقفول من المحل بتاعك ويظبطه ويفتح فيه حاجة زي مطعم صغير، أكل شعبي يعني، وهو فرح أوي و… ”
+
قاطعه بكر ببعض الحيرة:
_ ” طيب يا بابا هو انت تعرف عنه ايه عشان توثق فيه كدة؟! “