1
_” الحقيقة معرفوش ولا قدرت أوصله ، أو يعني ماكنتش مهتمة… حازم كان بالدنيا… بس ممكن أضحي وأتقرب لمامتي المصون وأجيبلك أخباره”
+
هنا ذُهل من مقصدها فسأل بصدمة للمرة المائة:
_” هي نرجس عندها خبر بمكانه؟! لأ دا انتو بجد بجد عيلة بنت كلب ”
1
رمقته بضيق لم تظهره وقالت بلامبالاة:
_” ماتستغربش نرجس دي أوسخ من عارف بكتير، طب أقولك على سر…. ”
1
وقفت سريعًا واقتربت من أذنه وهمست بجدية خطيرة:
_” نرجس من النوع اللي بيتسلسل في رمضان؟! ”
1
ألحقتها بغمزة تبدو مرحة لكنها كالنيران الزرقاء يخدع لونها شدة حرقتها…
+
عم الصمت بينهما قبل أن يستفسر بهدوء:
_” وايه المقابل؟! مش معقول هتعملي كدة رد جميل عشان منورك بقالي يومين وواخد بالي منك ”
+
التقطت منه مشروبه الخاص وتجرعت منه القليل تحت ابتسامته الماكرة وقالت:
_” أبو المحروس ”
1
قالتها وهي تشير نحو هاتفه الذي يستقبل مكالمة من أليكسي فناظره برهة ثم أعاد بصره لها فأكملت:
_” عايزة روح دميتري ألكسيفيتش، بس على ايدي، أصل فيه مهارات تعذيب متعلماه مخصوص عشانه… فكر و رد عليا عشان نقرى الفاتحة ونتمم الاتفاق ”
2
فقط ثم تركته ودخلت غرفتها بينما هو انشقت شفتيه بإبتسامة غامضة قبل أن يرد على أليكسي الذي صاح بصوت محمل بالجدية: