1
اتسعت عيناها بذهول من كلماته ونبرته العدائية فتلقائيًا وقفت وهي تردد بإرتباك:
_” فيه ايه يا حسام بتكلمني كدة ليه؟! وايه لزمته نجيب السيرة دي دلوقتي الأولى نخلص شغلك بسرعة ”
+
فاجأها بقهقهاته العالية تحمل داخلها سخرية كبيرة ثم تشدق بمقصد مخيف:
_” انتِ هابلة يا قلبي ولا مصممة تستهبلي، أومال ايه اللي حاسبات وذكاء وبرمجة وفي الآخر دماغك لسة ما ترجمتش اللي بيحصل!! ”
1
للحق عقلها ترجم ما يحدث الآن لكن الصدمة جعلتها تكذب ما وصلها لكن لا اراديًا بدأ الخوف يتسلل لقلبها:
_” عايز تقول ايه؟ لو ده مقلب هقفش بجد ومش هسامحك ”
+
هز رأسه وهو يدندن بإستفزاز ثم هتف بحقارة:
_” مايفرقش معايا يا حلوة عادي خالص مش مهم تسامحيني، المهم آخد اللي أنا عايزة وأكسرك بمزاج، ما هو مفيش ست رفضت حسام الصيفي قبلك، لأ وانتِ كمان اتجرأتي وعلمتي بصوابعك الوس*خة دي على وشي وسط كل الزبالة اللي شغالين عندي، فحبيت أضيع كل الوقت ده معاكِ بس عشان أستمتع وأنا بردلك الكف عشرة ”
+
كأنما أحد ضربها بقوة على رأسها تسمعه بشدوه وملامحها يظهر عليها شيء أكبر من مجرد صدمة، لا تستطيع استيعاب أنه لا يمزح بل كل ما كان بينهما مجرد لعبة قذرة منه وهي بكل سذاجة وقعت بفخه، بسرعة التقطت حقيبتها وركضت للباب لكن…. أين المفتاح يا صغيرة!!