+
_” شادي فيه ايه حصل ايه؟! ” تسأل بلهفة وهو بعالم آخر مع مَن يحدثه
+
التقطت آخر ما قاله قبل أن يصل لآخر الدرج:
_” مستشفى ايه قولي العنوان بسرعة؟! ”
2
—————-
+
دخل ذلك المخزن الموضوع به الرجال الذين هاجموا سيف، قناعه يزين وجهه ويخفي ملامحه بينما فارس واقف جانبًا ويظهر عليه عدم الرضا ليقول المجهول:
_” فيه حاجة يا فارس شايفك متضايق؟! ”
+
نظر فارس لمصطفى الذي حضر هو أيضًا ثم اعاد نظره لتك الهيبة المتحركة أمامه وقال بإحترام إلزامي:
_” عايز أفهم ليه أنا متراقب يا باشا؟ واخد بالي ان مصطفى باعت رجالته ورايا زي ضلي، هي القيادة شاكة فيا ولا ايه؟! ”
+
كاد مصطفى يشرح له الأمر لكن تدخل المجهول مبادرًا:
_” شوف يا حضرة الظابط، لو على القيادة فتصرفاتك دي كلها ممكن تتعاقب عليها لأنها مش قانونية، بس بتمشي في قانون الصداقة، وأنا عارف انك من أقرب الصحاب لسيف وكل اللي بتعمله ده بأوامره، في الأول وفي الآخر انت واحد من فريقه الخاص ”
+
_” مش فاهم برضو حضرتك ليه هنا وليه طلبت تشوف العيال دي من غير علم سيف؟؟ يخصوك في ايه أصلًا ”
+
خرجت نبرة مخيفة من فم المجهول وهو يردد بفحيح:
_” عشان سيف ده أمانة في رقبتي ليوم الدين، واللي يرشه بالماية أرشه بالنووي ويوم ما يظهرله عدو يبقى لازم يتمحي اسمه قبل ما يفكر يئذيه ولا يمس شعره واحدة منه “