+
عقد عز حاجبيه وسأل بقلق:
_” فيه حاجة ولا ايه؟ ”
+
——————–
+
_” اتفضلي يا مدام جنى سامعك” قالها الطبيب المعالج الخاص بشادي بعملية موجهًا حديثه لجنى فالبطبع بينهما علاقة وثيقة على مدار السنوات السابقة.
+
فبدأت جنى تتحدث بهدوء:
_” أول ما تابعت حالة شادي قولتلي ان صعب يخرج من تشوش الشخصية غير لو قل شعوره بالذنب أو حس ان جزء من اللي فقده رجع صح! ”
1
أومأ لها الطبيب قائلًا:
_” مظبوط واحنا مشينا طريق طويل من لما كان في المصحة وما شاء الله على أعتاب التخلص من الاضطراب التفارقي ده خالص ”
1
تظاهرت بالإبتسامة عكس خوفها الداخلي الذي دفعها مستفسرة بإرتباك:
_” لو خرج من حالته دي بشكل كلي هيبقى ايه موقعي أنا وعمر في حياته؟! ”
1
صمت الطبيب قليلًا ثم تنهد وقال بتفسير :
_” هشرحلك ببساطة، انتي وعمر في البداية كنتم جانب كبير في حياة شادي الجانب ده صنعه بسبب احساسه بالذنب ورفضه للواقع، في حين ان حياته الأصلية كشادي جبران كانت مهمشة تمامًا لدرجة كان كارهها وكاره شخصيته فيها، عشان كدة حياته معاكم وحياته الأصلية بينهم تضاد كل ما بيرجع لشخصية شادي كل ما بيبعد عن الوهم اللي صنعه لنفسه…. فهماني!”
1