بحاول أحافظ على وعودي ليكِ بس كل حاجة بتدفعني أخلف بيها، علمتيني الصح يا أمي بس رمتيني في مكان كله غلط مكان بكرهه وبكره كل الذكريات اللي شوفتها فيه،
+
ليه اختارتي ليا الحياة دي، ليه أنا مسك منصور!؟ ليه ماكنتش اتولدت في وسط عيلة بسيطة فيها أب كل هدفه يحافظ على عيلته الصغيرة مش أب ممكن يتوه في ملامحي… أب حرمني منك وعيِّشك أسوأ لحظات ممكن ست تعيشها، ناس كتير بتحسدني على وضعي مايعرفوش إني نفسي أكون مكان أبسط حد فيهم،
+
يا مامي والنبي قول لربنا ياخدني عندك أنا ضعيفة والله مش قد الدنيا ولا قد ناسها ولا ليا حد ابقى هنا عشانه؛ أنا عايزاكي انتِ، كفاية….
كفاية أنا استسلمت ومش هعافر تاني أنا مستغنية، قولي لربنا يسامحني لأن ده غصب عني والله…. ”
+
مرت نصف ساعة تقريبًا وهو ينتظرها أمام مدخل المدفن احتارت كل خلايا عقله مع قلبه في أمرها والكارثة التي وضعت نفسها بها يستمع لأنين بكائها بشفقة كبيرة حتى انقطع ذاك الأنين منذ ما يقارب الخمس دقائق…. تنهد ونظر في ساعة يده ولا يعرف لِمَ قلق فجأة!
+
حمحم وتجلى بصوته الرجولي الهادئ:
” يلا يا أنسة مسك اتأخرنا ووالدك ممكن يتضايق ”
+
تنهد مرة أخرى ينتظر اجابتها التي تأخرت كثيرًا فعقد حاجبيه وبهدوء تقدم للداخل،