+
فتح سالم فمه ليتحدث فرفع الآخر يده قائلًا:
_” ماتبررش، الحق يتقال انت يعتبر ما أذتنيش خالص بس جيت على اللي مني ياريتك جيت عليا يا شيخ… شكلنا مش هنعرف نتفاهم هنا عشان كدة… يلا ”
1
ابتلع الضبع ريقه وهو يقول بتهديد رغم خوفه:
_” فكرك هتقدر تأذيني في بيتي دا أنا عندي رجالة لو كل واحد أخد منك حتة مش هنعرف نعد لحمك ”
+
في لحظة كان ينتفض جسد الضبع أثر رصاصة صامتة خرجت من سلاح الآخر محطمة زجاج باب المرحاض فوق رأس الضبع الذي ارتعبت فرائسه أكثر من كلمات الآخر:
_” هو انا نسيت أقولك؟!… كل رجالة وانت طيب احنا دلوقتي هنلعب صولو راجل لراجل ”
+
أخذ سالم نفس صغير وقال مدعيًا الجدية:
_” طب خلينا نتكلم براحة ونتصافى وان كان دخل بينا شيطان نصرفه”
+
_” ياخي وانت مدي فرصة للشياطين! دا بقى عندهم بطالة من تحت راسك”
+
تابع الضبع فوهة المسدس المصوبة على رأسه ولم يقدر على التحدث فاقترب منه الآخر وأخرج بخاخ صغير قائلًا بإبتسامة مستفزة:
_” يلا يا ضبع اديني رأيك في البرفان ده، جايلي في الڤلانتاين اللي فات بس مش خسارة فيك ”
+
فقط وما مر سوى بضع دقائق ودخل سالم الضبع في حالة من عدم الاتزان ليقول الآخر:
_” حلو كدة امشي معايا زي الشاطر بقى هوديك مكان بتحبه “