+
كلمات خبيثة رفض نوح أن يسيء فهمها لذلك أعاد سؤاله مرة أخرى لكن بصرامة:
_” هات اللي عندك يا هاني عشان وغوشتني؟”
+
نظر هاني حوله سريعًا ثم اقترب من نوح ومد يده في جيبه ببعض الأشياء وهو يقول:
_” صرَّف الحتتين دول في الأماكن اللي هدلك عليها وتعالى وهتنبسط”
+
ابتعد عنه هاني بعدما ترك تلك الكارثة في جيب نوح التي تجمد في مكانه وهو ينظر للآخر بأعين متسعة ثم نطق بثقل:
_” انت مجنون! يعني عامل الفيلم ده كله عشان كدة؟! ياخي يلعن القرش اللي يجي من وراك ”
+
مد يده في جيبه بغضب ساحق وكاد يخرج تلك المواد المخدرة لكن وضع هاني يده على جيبه يمنعه من ذلك وهو يقول:
_” انت دلوقتي السكينة سارقاك اسمعني للآخر وهتقتنع وتعرف إني قلبي على مصلحتك ”
+
صرخ به نوح وهو يحاول دفعه بعيدًا:
_” أقتنع بإيه!! ياشيخ أبو التعليم على أبو العيشة اللي تيجي بكدة؟! ”
+
حاول هاني اسكاته وهو يقول بإرتباك:
_” وطي صوتك يا نوح ما تبقاش عبيط، ما لو انت ماوصلتش الحاجة دي غيرك هيعمل كدة وهي هياها فليه تسيب رزقك يروح لغيرك وانت محتاجه، كلها ماشية كدة يا صاحبي ”
+
أخرج نوح يده من جيبه حتى يتمكن من أبعاد الآخر عنه وبالفعل دفعه بكلتا يديه وهو يكمل صراخ به:
_” ده اللي هتقوله لربنا وانت واقف قدامه! ده اللي هيخليك تعرف تنام! بتضحك عليا ولا على نفسك، بتستسهلوا وترجعوا ترموا اللوم على الظروف والدنيا والبلد، أنا الغلطان عشان آمنت لواحد زيك من هنا ورايح مش …. “