+
_” وربنا لو ماجبتي التليفون ما هيحصلك طيب يا روزة ”
+
انتبه الناس لأصواتهم وبدأوا ينظرون لهن بالخلف فصكت شهد أسنانها وقالت بوقاحة:
_” فيه ايه كل واحد يبص قدامه بنحل مسألة مش فاهمنها… ايه ياختي ده؟! ”
+
تمتم البعض بعدم رضا عن أسلوبهن لكن لم يتدخل أحد، بينما استعادت شهد هاتفها وقامت بإرسال الصور في المجموعة وهي تنظر لفيروز بعناد فما كان من الأخرى إلى أن إلتزمت الصمت بضيق واخذت تتابع الطريق من النافذة.
+
بينما مالت سها على أذن شهد قائلة:
_” صالحيها ما تبقيش باردة انت عارفة انها خوافة شوية ”
+
لم تكترث شهد وقالت بحنق:
_” تتفلق هتطلع عُقد أبوها علينا!… ماقولتليش فكيتي البلوك؟ ”
+
توترت سها وقالت بخفوت:
_” آه واتكلمنا امبارح مع اني وعدت نوح بس خوفت من رامي دا مجنون ومش بعيد يرمي عليا مية نار بجد ”
+
ضحكت شهد بسخرية وقالت بإستفزاز:
_” خوفتي منه برضو! عليا يا سوسو؟! ”
+
اغتاظت سها وضربتها في كتفها قائلة:
_” بطلي رخامة، يلعن أبو اللي يحكيلك حاجة مش كفاية كنتِ عايزاني أتبلى على ابن خالي وربنا انتِ صاحبة سوء ”
+
ردت شهد بتهكم:
_” سوق جمعة ولا سبت! نيلة عليكِ وعلى ابن خالك بكرا يقول لأمك وابقي قولي شهد قالت ”
2
كادت سها ترد عليها بالنفي لكن قاطعهما رسائل المدح التي انهالت من البنات على صور شهد مما أكسبها غرور مضاعف لا تُحمد عُقباها .