+
ردت سها بضيق مرح:
_” ربنا يخليهالك ياختي دا أنا لو طلبت من أمي حاجة اليومين دول هتتبرى مني ”
+
ضحكن بود ومزاح لتردف فيروز بعقلانية:
_ ” أمك كتر خيرها يا سها بس تلاحق مصاريف البيت و الدروس ”
+
سخرت سها قائلة بضجر:
_” طب وأنا ذنب أهلي ايه في العيشة الفقر دي بيخلفونا عشان يمرمطونا اسكتي يا روزة ماتخلناش نقلب سيبي الواحد في اللي هو فيه ”
+
بالفعل صمتت فيروز بعدم رضا في حين تكلمت شهد بضيق:
_” نكدوا بقى نكدوا هروح آخد رأي البنات جاتكم نيلة عيال عفشة”
+
انتبهت لها فيروز قائلة بتعجب:
_” بنات مين اللي تاخدي رأيهم!؟ ”
+
ردت شهد بلامبالاة:
_” البنات يابت اللي اتعرفنا عليهم في الجروب ”
+
اتسعت عيني فيروز قائلة بصدمة:
_” يالهوي عليكِ انتِ عايزة تبعتي صورك دي على الجروب! ”
+
أشاحت شهد برأسها وقالت ببساطة:
_” طب وايه يعني مش بقينا صحاب دا أنا وسها بنكلهم طول الليل بنات سكر وعيال ناس في نفسهم كدة ”
+
هنا تدخلت سها قائلة بسخرية:
_” فيروز لسة فاكراهم شباب هتفضل هابلة وجبانة، فرجيهم ياختي خلينا نشوف هيقولوا ايه؟ ”
+
جذبت فيروز الهاتف من يد شهد قائلة بعناد وخوف:
_” اياكِ وربنا هقطع معاكم ايه الاستهتار ده! “