_” كله إلا زعلك يا أم سيف، سامحيني وارضي عن الجوازة، الشيطان سرح بيا ومالقيتش قدامي غير الحل ده… وليكِ عليّ أعوضها بفرح تحكي عنه المنطقة كلها ”
+
ضربت كفيها متحسرة تقول:
_” وهيفرق في ايه الفرح بعد ما الحارة كلها ياخدونا لبانة في بوقهم… بكرا نسمعهم بيقولوا اتجوزها في الخفا ليه! ”
+
وقفت تسترسل حديثها وهو تطالع ابنتها بنظرات حارقة:
_” اللي حارق دمي بالأكتر انها وافقت تتجوزك زي اللي عاملين عملة….”
+
احترق صدر سلمى من جملتها التي تعبر عن حقيقتها الخفية واستكملت مجدة بلوم:
_ ” بتوكلي الراجل اللي رماكِ يا سلمى؟…. طب وسيف اللي عايش يحلم باليوم ده مفكرتيش فيه…”
+
ثم استطردت بقسوة:
_” قليلة أصل زي أبوكِ ”
+
بكت تستعطفها بتعلثم:
_” يا ماما اسمعيني بس ”
+
نهرتها الأخرى من أسفل أسنانها:
_” اخرسي وغوري من وشي لما أشوف هقول ايه للناس اللي هتيجي تبارك… بكل عين بجحة ناشر الخبر على النت… منك لله يا شادي ”
+
أطالت في البكاء وانسحبت لغرفتها و هو يراقبها بصمت حتى وقف سكر واقترب منه ووجهه لا يبشر بخير ثم قبض على مقدمة ملابسه بقوة وقال:
_” أوعى تكون فاكر انك كدة حطيتني قدام الأمر الواقع وهحط جزمة في بوقي، دا أنا من الصبح أثبت انك فاقد الأهلية وجوازتك دي تتلغي…. شرطي يتنفذ يا شادي عشان ماهدش المعبد فوق راسك ”