+
تشبعت ملامحه بعدم الاكتراث بما تقول لكنها استكملت بصدق محمل بالتعب:
_” يمكن ماكنتش حاسس باللي حواليك بس أنا بجد عيشت أسوأ يومين في حياتي وأنا شايفاك بتموت ومش عارفة أعمل ايه… وبتمنى الزمن يرجع وأفضل محبوسة في بيتك مافكرش أخرج أبدًا ”
+
الضعف الزائد في صوتها أجبر قلبه أن يلين وهي تسترسل في سرد معاناتها:
_” حط نفسك مكاني لحظة… فوقت بعد محاولة انتحار وأول صدمة أخدتها اني لسة عايشة وبعدين لقيت نفسي مع واحد كل اللي أعرفه عنه اسمه، بعدها غصب عني بقيت معاه في بلد معرفش أنها موجودة أصلًا…. وفوق كل ده بيعاملني إني خطيئة أو لعبة بيحركها زي ما هو عايز من غير ما يفهمها ليه بيعمل معاها كدة، وغرضه ايه ولا هي تفرق معاه في ايه… أوامر وبس! ”
+
_” وقفي بُكا ” قالها بضيق
+
فصرخت فيه بإستياء:
_” برضو في دي بتؤمر! ”
+
لا يعرف كلام مناسب فصمت وتركها تخرج كل ما بداخلها، فمسحت وجهها بعشوائية تردد بإستسلام:
_” الحياة حواليا بقت مختصرة فيك انت بس، أصحابي خسرتهم، واللي كنت فاكراه بيحبني طلع إنسان حقير، حتى بابي مش سائل فيا ولا يهمه الأخبار اللي بتوصلها له عني حقيقية ولا مزيفة… ”
+