_” تم يا باشا، نضفنا المنطقة كلها وشيلنا الجثث، دلوقتي منتظرين رد فعل سلمان منصور على الأضرار اللي في مخزنه وهل هيبلغ عن اختفاء الحرس ولا لأ، وبالنسبة للمستودع وصلنا لصاحبه وخلصنا معاه بسرية تامة ”
+
_” تمام يا فارس، الله ينور ” فقط وأغلق
+
——————-
+
_” مش كسر بس لازم ترتاح وماتتحركش عليها أسبوعين ” قالها الطبيب وهو يتفحص قدم السراب الذي تحامل عليها في القفز كي يتلقى ضغط السقوط بدلًا من سيف….
+
رحل بعدما كتب الأدوية اللازمة وأوصاهم بأسلوب رعاية جيد لها فنبس مصطفى بهدوء مرح:
_” أديك سمعت بنفسك، أسبوعين راحة يعني ١٤ يوم من غير فرهدة أنا كمان رجلي مش أحسن حاجة ”
+
رمقه السراب بأعين خاوية ووقف متحركًا للخارج بمشية شبه طبيعية رغم ألمه وقال ببرود:
_” أنا أكبر أجازة أخدتها كانت ٨ ساعات عشان كنت مطبق ومانمتش أربع أيام متواصلين ”
+
خرج خلفه مصطفى وصاح فيه بغيظ:
_” ولما رجلك تورم وماتطيقش تحطها الأرض؟! ”
+
_” هحطها على رقبة جمال الكُردي اللي رجالتي بقالها ٧٢ ساعة مش عارفين يوصلوله ”
قالها بسخرية لاذعة جعلت الآخر يحمحم بإحراج:
+
_” ما أنا ماكنتش فاضي، حتى اتصالاتك ماعرفتش أرد عليها عشان سيف كان شاكك فيا طول الوقت ومركز معايا، صحيح عرفت منين إن المافيا هتغير خطتها؟! ”