+
اقترب منها والدها ورتب على كتفها بحنان قائلًا:
_” عارف، نتايج المعمل كام دقيقة وتظهر، وقتها هنعرف هو عنده ايه بالظبط، بإذن الله بسيطة…. المحاليل دي فيها ايه؟! ”
+
قالها وهو يشير للمحاليل المتصلة بأوردته فردت بشرح مختصر وصوت مرهق:
_” محاليل مغذية وفيها مضادات سموم ومحفزات عصبية أنا حطيت احتمال يكونوا حقنوه بسم عصبي، بس أتمنى يكون مجرد مخدر طبي عشان يدخل في الحالة دي ويكلم سيف وبالتالي يبقوا استدرجوا القائد ”
+
أومأ لها بتفهم وقال بضيق:
_” سيف دا لسة باقي دوره وأسئلته اللي مش هتخلص عن مصدر المعلومات وهوية السراب؟! ”
+
انتبهت له ومسحت دموعها تتسائل بفضول:
_” فعلًا مين السراب ده يا بابا وليه مهتم بسيف كدة؟! أنا سمعت زعيقه في دكتور كارم عشان يلحق سيف رغم انه كان مش قادر يمشي على رجله وواضح إنها مكسورة ”
+
نظر لها شاكر للحظات وقال بإختصار:
_” ده مش شغلِك يا سيادة الرائد، ياريت كمان ماتجيبيش سيرة قدام سيف ”
+
اغتاظت قليلًا لكن أومأت بطاعة وسألت بغير موضوع:
_” طب سيف عامل ايه؟! مصطفى قال انه نط من فوق مبنى عالي ”
+
_” كويس، المكان لحسن الحظ كان فيه مستنقعات وأرض رطبة ما اتأذوش كتير ”
+
ثم تركها وخرج يستقبل مكالمة حيث أتاه صوت يتحدث بجدية: