_” آه، لهو انتِ ضاحكة على نفسك وكادبة الكدبة ومصدقاها؟! لأ يا روح أمك فوقي، انتِ اللي عينيكي زغللت على جيب ابن عمك ووافقتي عشان تطلعي بمصلحة ودلوقتي راجعة تدوري على حبيب القلب، عايزة تلاقي من النحيتين بس جات الغريبة لهفته… لأ وخارسة!! ”
+
بادلتها منة الغضب حينما ردت صارخة بغيظ:
_” يوووه قولتلك البت دي أخت صاحبه، أمانة عندهم كام يوم وترجع للداهية اللي جاية منها، سيف بيحبني يا عزة ومش هيبقى لغيري، ارتاحي”
+
_” وأنا مش موافقة عليه، حتة دكتور بهايم ولا ليه أصل ولا فصل؟! ”
+
توقفت قدمي منة عن الرحيل واستدارت لأمها بحاجبين معقودين متسائلة بإستنكار:
_” يعني ايه مالوش أصل ولا فصل؟!، هو مش ابن أختك ده ولا أنا بيتهيئلي؟! ”
1
زاغت عيني عزة قليلًا قبل أن تضرب يد فوق الأخرى قائلة بتهكم:
_” آه ابن أختي، روحيله ياختي ياكشي يحن عليكِ بكلمة بلا نيلة، بس حطي في بالك لو ما اتقدمش خلال شهر واحد هوافق على الجدع اللي جاي من ناحية أم جابر وهتتجوزيه غصب عنك ”
1
زفرت بضيق شديد وقالت تنهي النقاش:
_” مش وقت الكلام ده ياأمة وياريت بقى تروحي تشوفي سلمى مش هتبقَى عاملة حادثة ليها رابع يوم النهاردة وانتِ لسة مازورتيهاش وكل مرة بتحجج وأقولهم تعبانة “