+
_” هدفع ايه ياد! أومال لو ماكانتش فراخ فطسانة وكبده كلابي؟! ” هكذا رد بتهكم
+
فصدحت ضحكات الحشد من حولهم كلٍّ بكلمته المازحة، أشار شادي لشاب يدعى فايز ليقف مكانه قليلًا بينما أخذ طلب سكر ودخل للمحل يلحق به…
+
_” اتفضل يا أستاذي عشان تعرف إني كريم ” قالها شادي بمرح وهو يقدم له الطعام
+
جذبه منه سكر بضيق وتمتم بإستنكار:
_” كريم؟! ما هو ده اللي ناقص، هو احنا عارفينك شادي ولا صابر عشان كمان تحطلنا كريم؟! ”
+
تجاهل شادي كلامه الذي لم يسمعه من الأساس وسأل بترقب:
_” مفيش اخبار عن سيف؟ ”
+
أجاب سكر وهو يرفع كتفيه بجهل:
_” وهو حد بيعرفله مكان لما يختفي! أهو من لما محسن جالهم البيت وخرج مارجعش ولا كلم أمه ولا حتى يعرف بحادثة سلمى ”
+
تيار كهربي ضرب قلب شادي مع ذكر اسمها وسرعان ما انطفأ وجهه أكثر وصمت، ليتعجب سكر قائلًا:
_” الله! يعني ما سألتنيش سلمى عاملة ايه دلوقتي؟! ”
+
انتبه له شادي وتلقائيًّا سأل بلهفة فشل في اخفائها:
_” ليه حصلها حاجة تاني؟! ”
1
تنهد سكر بقلة حيلة وقال بجهل:
_” والله ما عارف فيها إيه؟، بنت عمك كلمتني امبارح نص الليل وقعدت تعيطلي، من ناحية خايفة على سيف ومن ناحية كوابيس سلمى اللي بقالها يومين بتقوم تصرخ وتنهري عياط ومش بتكلم حد “