— حاضر…
ولا يهمك.
قامت وهي متلخبطة، شنطتها وقعت منها، لمّتها بسرعة، ونزلت من العربية من غير ما تبص وراها.
العربية اتحركت،
رواية علي هامش القبول كامله وحصريه بقلم آلاء حجازي – للقراءة المباشرة والتحميل pdf
وقفت لحظة مكانها، حاسة بهوا الشارع ساقع على قلبها، ومش قادرة تمنع دموعها.
هو الناس بقت مؤذية كده؟
يعني إيه؟
هو أنا ذنبي إيه؟
مشت، وكل خطوة تقيلة.
هو علشان تخينة؟
علشان جسمي كبير؟
طب أنا عملت إيه؟
أنا اللي خلقت نفسي؟
يمكن فعلاً شكلي وحش.
يمكن الناس مش بتشوف غير ده.
مسحت دموعها بإيدها بسرعة وهي ماشية:
يا رب أنا تعبت.
أنا عمري ما أذيت حد.
ليه بيوجعوني كده؟
دموعها كانت بتنزل غصب عنها، صوت نفسها متكسر، صدرها واجعها.
وفجأة، وهي ماشية ومغمضة عنيها من العياط، خبطت في حد.
اتلخبطت ورفعت راسها بسرعة:
— أنا آسفة…
مخدتش بالي.
كان واقف قدامها…
ونصدمت من اللي قدمها؟
الثاني من هنا