دمه سخن.
قام واقف تاني.
— لا والله؟
يعني بقى أنا اللي مش عاجب؟
وقف قدام المراية.
بص لنفسه.
عدل شعره.
ابتسم ابتسامة واثقة…
بس الابتسامة كانت مهزوزة.
رجع قعد،
والغضب اتحوّل لحاجة تانية.
حاجة أخطر.
إحساس إنه لازم يكسب.
لازم يثبت إنها أقل.
لازم يكسر دماغها.
— خلاص.
أنا هخطبها.
ضحك ضحكة قصيرة، ضحكة مش فيها فرحة…
فيها نية.
— أخطبها،
وأكسر مناخيرها،
وأوريها حجمها الحقيقي.
فتح الأسماء.
وقف شوية عند الاسم.
وبعدين ضغط.
رن…
رن تاني…
— ألو، السلام عليكم يا عمي.
— وعليكم السلام ورحمة الله،
إزيك يا حوده؟
.
محمود ابتسم.
ابتسامة محسوبة.
— بخير الحمد لله.
أنا بس كنت بكلم حضرتك، عشان نحدد ميعاد، نيجي نقرا الفاتحة.
قلب أبوها ارتاح، صوته بقى أهدى:
— شرف لينا طبعًا.
في أي وقت يا حبيبي.
.
محمود رد بسرعة:
— اللي تشوفه حضرتك مناسب.
إحنا تحت أمركم.
نبقى نتفق ونعرف بعض التفاصيل.
ربنا يتمم بخير.
سند ضهره على الكنبة.
ونفَس طويل خرج من صدره.
— نشوف بقى هتتكلمي كده تاني ولا لأ.