حاتم شد في الكلام:
– ده اللي قاهرني!
البنت دي بقت نقطة ضعفه… بس في نفس الوقت بقت درعه وقوته .
شريف بضيق:
– وإحنا كل مرة نقول نتحرك، نرجع نحسبها ألف مرة.
الراجل ده ما بيغلطش.
عامر مال لقدام:
– بس بيتعب.وأنا واثق من دي.
حاتم بص له بحدة:
– متأكد؟
– متأكد…
قالها عامر بثقة
– أدهم مش حديد، مهما باين قوي.
ولو وقع… هيوقع تقيل.
سكتوا لحظة.
الصمت كان تقيل.
الباب اتفتح فجأة.
دخل فارس.
ملامحه حادة، ابتسامة باردة، عينه فيها خبث واضح.
أول ما دخل، شريف بص له بغل صريح.
شريف بسخرية:
– شوف… ده ناقصك بس.
فارس قفل الباب وراه بهدوء:
– مساء الخير ياداد.
حاتم ببرود:
– إيه اللي جابك هنا؟
فارس قعد من غير استئذان:
– اللي بيحصل… بيخصني زي ما بيخصكم.
شريف بعصبية:
– إنت مالك ومال أدهم؟
ولا ناوي تدخلنا في مصيبة جديدة؟
ولا ناسي اخر مره عمل فيك اييه؟
فارس بص له بابتسامة مستفزة:
– هو أنا اللي بدأت؟
ولا هو اللي خلاني أطلع من اللعبة غصب؟
عامر تدخل:
– خلّيك واضح يا فارس…إحنا مش ناقصين لف.
فارس مال لقدام، صوته بقى أوطى بس أوضح:
– أنا بكره أدهم.
مش سر.
حاتم شد حواجبه:
– وإحنا كمان…
بس الكره لوحده ما يكفيش.
فارس:
– وأنا مش جاي أكره وبس.
أنا جاي أتحرك.
شريف ضحك بسخرية:
– تتحرك إزاي؟
هو لعبته أكبر مننا كلنا.