لف وشه ناحيتها باستغراب بسيط:
– خيل؟
هزت راسها وهي بتبتسم:
– أيوه… من زمان اوي ما ركبتش، وحاسة إن المكان هنا ينفع.
سكت لحظة، وبعدين ابتسامة جانبية ظهرت على وشه.
– طيب… نركب.
دهب بحماس وسهول،
–بجد هو..ينفع
بعد شوية كانوا بره القصر.
مكان واسع، أخضر، هادي، اسطبل كبير قريب من أرض فاضية مفتوحة.
الهوا نضيف، والجو بدأ يميل للغروب.
أدهم ركّبها الأول.وكان حصان اسود وشعره كثيف جدا ولاكن عيونه مميزه ولديه هلال في منتصف راسه
مسك إيدها وهي بتطلع، كان حريص زيادة عن اللزوم.
– خدي بالك…
قالها بهدوء.
قعدت قدام، وهو ركب وراها.
المسافة بينهم قريبة، أنفاسه ورا رقبتها من غير ما يقصد، إيده ماسكة اللجام بس وجوده كله كان حاميها.
الخيل مشي على مهله.
الأرض قدامهم مفتوحة، السما بدأت تتلون، برتقالي ودهبي.
دهب بصوت واطي:
– الغروب هنا مختلف.
أدهم:
– إيطاليا بتعرف تسرق القلب.
سكتت لحظة، وبعدين قالت:
– وإنت؟
لف راسه شوية:
– يمكن… بس إنتي أسرع.
ضحكت بخفة.
الضحكة دخلت قلبه من غير استئذان.
الشمس كانت بتنزل قدامهم، والهدوء حوالين المكان كان شبه مقدس.
دهب ساندت ضهرها عليه من غير ما تاخد بالها.
هو ما تحركش… بالعكس، قرب أكتر.
– كنت فاكرة إني محتاجة مكان جديد…
قالتها بهمس
– طلعت محتاجة إحساس جديد.