=دكتور عدى بعد اذنك عاوز استشير حضرتك فى كام حاجة ضرورى
لينظر له عدى باستغراب قائلا
=على ايه يا حسام وبعدين انا من امتى وانا ليا دخل بالحرس او بحاجة انت عارف ان مليش خلق
ليردف حسام بأحترام ونبرة صوت جاده
=حضرتك انا حاولت اتصل كتير بأمير باشا بس كان مش بيرد وحاليا مغلق، وفى حاجات عاوزين قرارات فيها
ليردف عدى وهو بزفر الهواء بضجر
=قول فى ايه ولا حاجة هتتمضى
ليجيبه حسام قائلا بعمليه وثقه ونبرة جادة
=مساعدة امير باشا فى الشركه اتصلت وقالت ان كوثر هانم وبنتها الانسه سهيلة بلغوا انهم فى طريقهم اسكندريه بس هى حاليا بتسأل لما تبعت لهم عربيه للمطار تبلغ السواق انه يجى بيهم على القصر ولا تحجزلهم فى فندق .
ليزفر عدى الهواء بغضب ما ان انهى الاخر من حديثه فهو لا يطيق تلك المرأة وابنتها ليجيبه بضجر ولم يستغرق لحظه واحده بتفكير
=ناقصهم هما كمان ايه اللى فكرهم بينا العالم اللى ملهاش لازمه دى، والله ما عارف يا حسام انت رأيك ايه؟
ليجيبه حسام بنفس الثقة والعمليه
=حضرتك انا رأى ان احنا ننقلها اى مكان بعيد عن هنا بسبب انهم لما بيكونوا موجودين ولا شخص من حضرتكم بيكون موجود يعنى بيطفشوكم من البيت
ليردف عدى بسخط وهو يمط شفتيه بضيق
=لا متقلقش هما اصلا طفشوا خلاص تولين واتجوز وامير هيسافر هو مراته
حسام ببساطه =يبقى مش هتفرق بقى سواء جم هنا عو لأ
ليوما له عدى قائلا بضجر =خلاص خليهم يجوا على هنا ما احنا كمان مش هنصرف عليهم
ليوما له حسام بأحترام ومن ثم يخرج مغادرة المكان، لكنه التفت عندما نادى عدى باسمه يلتفت الى الأخير
لينهض عدى من مكانه يقترب من حسام يقف امامه متحدثا بجديه
=عاوزك تجيبلى معلومات عن واحد اسمه مروان محى هو فى الجامعه عندى، عاوز تقرير كامل عنه من يوم ما اتولد لحد الان
ليردف حسام بابتسامه واثقه
=تحت امرك يا دكتور
ليذهب بعدها مغادرا المكان بينما يتنهد عدى بتعب يصعد الى الاعلى ليطمئن على جده عاصم
_______________
اقترب من كل الأشياء التي تشعر أنَّها ستسعدك ، وتشبث بكل من يطبع في قلبك فرحًا ، كافح لأجل ما تحب
_______________
تولين بحب وهى تمسك بيده وتشدد عليها
=اوعى تقول كدا انت اللى يفرحك يفرحنى واللى يزعلك يزعلنى
لتنهى حديثها وهى تسحبه من يده متجه به الى الخارج ليسير خلفها بصمت يتبع خطواتها