ليمرر كفه فوق وجنتها بحنان سائلا اياها
=بتثقى فيا تولين؟
لتردف هى بنفس الثانية الذى انهى بها سؤاله قائله بكل ثقه وجديه
=طبعا يا مالك
ليبتسم هو قائلا بصوت حاول ان يخرج هادئاً قدر الامكان لينجح اخيرا فى ذلك
=شوفتى انتِ مفكرتيش ازاى قبل حتى ما تردى على السؤال او حتى تسمعيه للآخر ازاى … خلى الثقه دى موجوده دايما، خليكى واثقه دايما فيا وان على قد ما اقدر اكون على قد ثقتك، بس عاوز اطلب منك حاجة لو مهما حصل عاوزك تردى غيبتى
لتردف قائله بتيه وهى تنظر الى عينيه التى سحرتها بلونهم
=انا مش فاهمه بس كل اللى اعرفه انى بثق فيك اكتر من نفسى بس خوفي م انك تسيبنى دا شئ لا ارادى عندى غصب عنى بخاف
ليبتسم لها مالك ابتسامه مطمئنه
=وانا مش عاوزك تخافى .. ينفع بقى نكمل اكل
لتوما له براسها قائله بحماس
=وتكملى بنت خالتك والياس جاين ليه؟
ليردف مالك قائلا وهو يجلس مكانه مرة آخرى
=انتِ مش كنتِ زعلانه ومتأثرة من شوية بسبب انهم جاين
لتردف قائلة ببراءة وبساطه
=لا دى حاجه ودى حاجة
ليبتسم مالك ابتسامه مجامله وهو يشعر بالتعب فجأة ولا يعلم مصدره او سببه
=كل الحكايه، الياس صاحبى نازل مصر وهيستقر هنا كام شهر عشان شغله وهيجيب معاه ديما بنت خالتى هتسالى ازاى صاحبى يجيب بنت خالتى وانها بعيده بس عشان الياس قريبنا من بعيد دا غير انه هو متربى معانا اصلا من زمان وكنا كلنا صحاب مع بعض، فديما هتيجى تقعد هنا معانا الفترة اللى هتقضيها والياس هيجى زيارات وطبعا لما اكون.. انا موجود