قاطعها هو بنبرة مازحه
=حلوة بيتك دى
لتردف قائلة بحده= انا مش بهزر على فكرة
ليتنفس بعمق يحاول ان يكون صبورا معها لأبعد حد هذه المرة الثانيه منذ زواجهم التى تظن بها انه سيتركها المرة الأولى كانت فى ثانى يوم زواج لهم، والان.. ياالله الصبر، ليحاول ان يقلب الموضوع بمرح لا يريد ان يتعصب معها فيكفيه ما به من متاعب وضغو”طات
=طب بذمتك فى واحد يسيب قمر كدا ويشوف حد غيره، وبعدين هو انا لحقت اجوزك عشان اسيبك دا احنا لسه مكملناش شهر استهدى بالله كدا، مفيش حاجة من اللى فى دماغك هتحصل
لتردف قائلة بشك ودموع
=يعنى انت مش هتسيبنى؟
ليطبع قبله طويلة فوق جبينها قائلا بمرح
=لو فضلتى تعيطى كل شويه هسيبك وامشى
لتمسح هى دموعها فورا قائلة بلهفه
=لا خلاص بس عشان خاطرى متسبينيش
لتلقى بنفسها فى احضانه تستند برأسها فوق صدره ويدها تحيطه تتشبت فى ثيابه بقوة وكأنها تخشى من ان يتركها ويرحل بعيدا عنها، بينما هو استقبلها بين ذراعيه بكل سرور مفضلا الصمت وصوت بداخله يتحدث بألم
“انتِ بس متسبينيش وتتعبى منى ومن حياتى يا وتينى”
لتبتعد عنه تولين بعد مده لا بأس بها قائلة بأسف حقيقى
=انا اسفه بس فكرة انك فى يوم من الايام ممكن تسيبني مش عاوزه تمشى من بالى