لينصدم هو من سؤالها المفاجئ، يعقد ما بين حاجبيه قائلا باستنكار واضح
=لا طبعا، انا معرفهاش اصلا
لتتنهد براحه فى الخفاء وكأن حمل ثقيل قد ازاح عنها بلحظة جاء ببالها ان حازم يحب صديقتها ملك ويريدها ان تساعده فى ان تقربها منه وهذا بالفعل سيحطم قلبها الى اشلال صغيرة، نعم كانت ستساعده لو طلب من هذا فهى بالفعل تحبه وتتمنى له ان يكون دائما بأفضل حال، وايضا تحب صديقتها ملك لذلك كانت ستساعدها لتكون مه شخص يحبها، حتى لو كان على ساعدتها هى الشخصيه
لتردف قائلة بهدوء =اسفه انى قاطعتك السؤال خرج منى لا ارادى.. كمل
ليومأ هو برأسه مكملا حديثه قائلا بجديه
=ولا يهمك، انا كنت عاوزك تساعدينى ان احنا نقرب ملك ومروان من بعض…
ليكمل بسرعه ما ان لاحظ انها سوف تقاطعه
=قبل ما تسألى، والله العظيم انا لا بضحك عليكى ولا بستظرف، مروان بقاله يومين مش بيجى الجامعه عشان ملك، مش عاوز يتعلق بيها اكتر وهى تصده
لتردف بتساؤل وهى تنظر اليه بطفوليه ولا تعلم كيف تجيبه او كيف تفكر بصورة صحيحة
=طب انا هساعدك ازاى او هعمل ايه ؟!
ليردف حازم قائلا ببساطه
=لا دى سهلة اوى بس الاول عاوز اعرف موافقة ولا لأ وصدقيني مفيش حاجة لو رفضتِ
لتصمت هى للحظات تنظر لأى شئ عادا عينيه لتردف ببراءة
=مش عارفه بس لو دا فى مصلحة ملك يبقى ماشى موافقة