رواية عاشق زوجتي الفصل الخامس 5 بقلم صباح عبدالله فتحي – للقراءة المباشرة والتحميل pdf

مسحت دموعها بعنف وقالت لنفسها بإصرار:

– بس.. كفاية بقى! أنا مش ضعيفة ولا رخيصة للدرجة دي عشان أضيّع عمري على واحد رخيص زيك. من بكرة هرجع جامعتي، هرجع شغلي، وهعرفك وهعرف الدنيا كلها مين هي نور. نور اللي عمرها ما كانت ضعيفة.. ولا هتكون أبدًا.

بعد ربع ساعة. كانت نور رجعت ومعاها الشاش والمطهر، وقفت قدام العمارة وهي حاسة بالقرف من مجرد الدخول. كل مرة تفتكر إن جاسر موجود فوق مع ملك، كانت بتحس غصة جواها وتقرف أكتر. وفجأة دخلت سمر أخت يوسف العمارة، لمحت نور واقفة قدام السلم، شكلها مترددة.

سمر باستغراب:

– مالك يا نور، واقفة كده ليه؟

انتبهت نور لصوتها، التفتت بسرعة وقالت بتوتر:

– لا أبدًا.. مفيش.

سمر بهزار وهي مبتسمة:

– أمال بتبصي على السلم كده ليه؟ فكرتك شفتي عفريت.

نور قالت بنبرة حزينة ومن غير ما تاخد بالها:

– هو أنا فعلاً شوفت أوسخ عفريت في الدنيا.

سمر باستفهام:

– هاا؟! شوفتِ أوسخ عفريت إزاي يعني؟

نور بسرعة وهي بتحاول تغيّر الموضوع:

– هاا ولا حاجة.. على العموم، حمد لله على سلامتك. طنط كانت قلقانة عليكي جدًا، خصوصًا إنك اتأخرتي. وبالمناسبة.. الأستاذ يوسف رجع متعور، عمل حادث.

سمر بصوت عالي وصدمة:

– يالهوي! يوسف أخويا عمل حادثة!؟