رواية عاشق زوجتي الفصل الخامس 5 بقلم صباح عبدالله فتحي
السلام عليكم ورحمة الله وبركاته
الحلقة الخامسة من رواية عاشق زوجتي بقلم الكاتبة صباح عبدالله
تخرج نور من المطبخ وهي تقول بابتسامة خجولة:
– الأكل جاهز يا أستاذ يوسف.. والشاي كمان.
كان يوسف من شدة التعب قد نام على الكنبة دون أن يشعر. نظرت له نور بخجل، ثم التفتت حولها فلم تجد أحدًا غيره. فجأة خرجت أم يوسف من غرفتها، تطل على يوسف بحزن وتقول:
– يا قلب أمك يا ابني.. معليش يا نور يا بنتي، اقعدي جنبه شوية لحد ما أنزل أجيب له شاش ومطهر من الصيدلية، أصل هو نسي يجيب.
ارتبكت نور وقالت بتردد:
– لا لا يا طنط.. خليكي انتي مع الأستاذ يوسف، وأنا أنزل أجيبهم.
أم يوسف باستغراب:
– وليه يا بنتي؟ إنتي لسه جديدة هنا ومش عارفة حد.
نور:
– حضرتك قولي لي بس فين الصيدلية وأنا أجيب الطلب وهرجع على طول. بس معلش ما ينفعش أفضل أنا والأستاذ يوسف لوحدنا في البيت.
أم يوسف بدهشة:
– هو في إيه يا بنتي؟ يعني يوسف يعمل فيكي حاجة؟ حاشا لله!
نور مرتبكة:
– لا والله يا طنط مش قصدي كده.. بس معلش مش هقدر.
أم يوسف بعد تنهيدة:
– طيب يا بنتي، خدي الفلوس اهي.. هتلاقي الصيدلية أول الشارع. معلش هنتعبك معانا يا بنتي. حتى مش عارفة سمر اتأخرت ليه كده.