كانت تكح ملك وهي تضع يديها على عنقها وتحاول أن تأخذ أنفاسها التي افتقدتها للحظات، ثم قالت بخوف:
_أنا شلت الوسيلة من تالت شهر يا جاسر، أنا من حقي أكون أم… نفسي يكون عندي طفل زي أي واحدة في الدنيا.
وهنا يصفعها جاسر على خدها بقوة، وقال بغضب مميت وهو يمسكها من شعرها بعنف:
_نعم يا روح أمك! مفكراني مش عارف إنتي مين؟ ولا أنا أهبل أصدّق كلامك ده ويمشي عليا؟ ده إنتي بنفسك اللي روحتي ركبتي وسيلة منع الحمل! ولا عشان حسيتي إني حبيت نور وببعد عنك، حبيتي تلوي دراعي يا بنت **؟
ترد ملك بدموع تماسيح وهي تحاول أن تأثر على عواطف جاسر وتلعب بمشاعره:
_حرام عليك يا جاسر، هو أنا عملت إيه عشان تعمل فيا كده؟ ده أنا حبيبتك ورضيت أكون الزوجة التانية ووفقت جوازنا يكون في السر علشان أرضيك… دي أخرتها يعني؟ ولا عشان زهقت مني عاوز ترميني في الشارع أنا وابني؟
يرد جاسر وهو يضحك باستهزاء:
_هههاا… وانتي مفكراني أهبل هاخد الأمور بالشكل ده؟ وإنك وافقتي تكوني الزوجة التانية وكمان على جواز عرفي عشان بتحبيني ولا عشان ترضيني؟ لا يا روح أمك… إنتي من أول ما عرفتك وأنا عارف إنك واحدة رخيصة، مستعدة تبيع نفسها عشان الفلوس. وأنا لمّا اتجوزتك، اتجوزتك غيظ في أبويا وغيظ في البنت اللي اتغصبت عليها… بس فعلًا كنت غبي أوي عشان عملت كده، وإنتي أكتر حاجة أنا ندمان عليها دلوقتي.