رواية عائلة آخر جنان الفصل السادس عشر 16 بقلم مروة طارق
سهر قاعدة بتاكل في الكشري باستمتاع وبتحط عليه الشطة والدقة …..
نورهان : بالراحة على نفسك يا بنتي
سهر : مش قادرة طعمه تحفة مين العبقري اللى اخترعه
نورهان : مش عارفة بس طول عمر المصريين يعشقوا الكشري
سهر : ممكن تفهميني مين عم كشري ده
نورهان : ههههههههههه مفيش حاجة اسمها عم كشري اللى انتى بتاكليه ده اسمه كشري
سهر : اااااه يعني كنتي بتضحكي عليا
نورهان : اه بصراحة اه انا هقوم ادخل التواليت
سهر : اوك
سهر بتاكل بشراهة وبتخلص الطبق اللى قدامها وبتطلب طبق تاني ……………
نورهان رجعت شافت الطبق متمدش فيه معلقة قدام سهر …………
نورهان : انتى طلبتي طبق كمان
سهر : اه مش قادرة اقاوم
سهر تليفونها يرن …………. تاخده من شنطتها وترد ……….
سهر : الو …. ازيك يا محمود ……. انا في مطعم باكل اكلة توووووووحفة ……… تيجي تجرب ………. مالك ؟ انت مضايق …………. طيب اديني محمد ……… ايوة يا محمد ماتجيب محمود الكئيب وتيجي انا بتغدي انا ونورهان ……… جاين طيب ……… بص انا مش عارفة العنوان خد نورهان تقولك فين .
وسهر تدي التليفون لنورهان ………..
نورهان بكسوف : الو ……… ازيك ………. انا كويسة …….. العنوان ………… مستنياك قصدي مستنينكم ……….. سلام
سهر : مالك قلبتي على رومانسية كده ليه ؟
نورهان : رومانسية ايه مش فاهماكي
سهر : بكرة تيجي تترجيني اسمعك وساعتها مش هرضي وهتندمي وانا هكون هموت واسمعك وامشي واسيبك وساندم اني مسمعتكيش
نورهان : ايه العك ده كلى كلى
سهر : هو انا ممكن اطلب طلب
نورهان : اطلبي
سهر : هو ممكن يعني …. يعني ….. ممكن تطلبي واحد كشري كمان ليا
نورهان : يالهووووووووووي
*************************************************
محمود : انا مش جاي مليش مزاج
محمد : كده يعني انا جاي اقف معاك في الشمس وانت مش عايز تيجي هعزمك انا عالاكل واشربك اللى انت عايزه يا بنتي تعالى بس
محمود : والنبي بلاش انا مخنوق اوي
محمد : تعالى بقى خليك جدع
محمود : اوووووووووووف امري لله
محمد : حبيب قلبي يا حودة والله ربنا يخليك ليا
****************************************************
ناهد في مكتبها مع معاذ ……….
ناهد : طنط جميلة عاملة ايه ؟
معاذ : كويسة الحمدلله
ناهد : قولها تستعد عشان هجيب المورستان واجي نزورها تستعد بقى بحباية الضغط ودوا السكر
معاذ : ههههههههههه
معاذ تجيله رسالة يقراها ويبتسم …………..
ناهد : في حاجة
معاذ : لا مفيش انتى عايزاني في حاجة تاني
ناهد : لا خير في ايه ؟
معاذ : لا والله مفيش متقلقيش طيب انا عندي مشوار مهم هعمله ومش هرجع ونورهان اخدت اذن منى ومش هترجع يلا سلام
ويطلع معاذ جري برة المكتب …………
ناهد : الواد ده اتجنن ولا ايه ؟
*************************************************
مروة ومهند بيروحوا الدرس من غير منار لانها مش عايزة تشوف اسلام ………
مروة قاعدة مع منة ………… وهبة وصحابها قاعدين وراها ………..
خلود قامت راحت مكتب هاني عشان تكلمه ……… لقت صوت زعيق جامد رجعت تاني لهبة ……….
خلود : واضح ان باباكي شايط اوي في هاني
هبة : بجد ؟ طيب
وقامت راحت وقفت عالباب تسمع هما بيقولوا ايه ؟
هاني : انا مش هعمل اللى انت عايزه ده
حسن : يابني دي بنت ناس ومن عيلة
هاني : بابا لو سمحت انا مش استغلالى انا لو اتجوزتها فده عشان بحبها مش عشان انت جاي تقولى اتجوزها وبعدين انا لازم احب اللى اتجوزها
حسن : هتفرق ايه ؟ وبعدين حب ايه وكلام فارغ ايه انت هتعمل اللى انا بقولك عليه
هاني : لا هعمل اللى في دماغي واتجوز اللى انا عايزها في الوقت اللى انا عايزه عن اذنك
يطلع هاني يلاقي هبة لسة بتتعدل عشان تجري بس متلحقش ……….
هاني : عادتك ولا هتشتريها
ويمشي هاني وهو بيعدي عالقاعة مروة تكون طالعة هي ومنة رايحين التواليت ووراهم خلود ………..
هاني يشوف مروة يمشى عليها بخطوات كبيرة ويمسك ايديها ……………
هاني : انا عايز اتكلم معاكي ممكن ؟
مروة : جري ايه يا هاني انت اتجننت انت ازاي تمسكني كده
هاني : هتيجي معايا ولا لأ قرري بسرعة
مروة : اممممممممممممممم
هاني : خلاص مش عايزك
وبيمشي هاني وخارج برة السنتر كله …………..
مروة : هااااااااااني استني هاجي معاك بس استني اقول لمهند
تدخل مروة تجيب شنطتها وتكلم مهند وتطلع …………….
هاني بابتسامة : هو سابك عادي ؟
مروة : اه ليه بتسأل ؟
هاني : طيب استني ثواني
دخل هاني كلم مهند وطلع ………..
مروة : انت قولتله ايه في حاجة ؟
هاني : لا تعالى يلا وهقولك
يخرج هاني مع مروة …………
خلود : شوفتي ياهبة ايه اللى حصل ده انا مش مصدقة
هبة : متقلقيش
خلود : مقلقش على ايه ؟
هبة : اصلا بابا عايز يجوزه واحدة وهو مش موافق يعني كده ولا كده هو مش ليها اطمني
خلود : انتى غبية يا هبة
هبة : يووووووووه انا مالى بيكي وبعدين اصلا بابا مش هيوافق عليكي فياريت تشيليه من دماغك خالص
خلود : ماشي يا هبة هشيله ماشي
***************************************************
محمد ومحمود يوصلوا للمكان اللى فيه نورهان وسهر …………..
محمد يقعد جنب نورهان ومحمود يقعد جنب سهر ………..
محمد : ده ايه الشياكة دي ايه الحلاوة دي
محمود : حلاوة ايه انت عاجبك المكان اوي
محمد : ياغبي انا بردو بتكلم عن المكان انا بتكلم عن حاجة تانية
نورهان : والله لو تقصد حاجة تانية تبقى بلدي اوي
سهر : هههههههههههه
محمد : ها ها ها ها عجبتك اوي ياخفة
محمود : انتى بتاكلى ايه يا سهر ؟
سهر : كشري
محمود : كشري ؟
سهر : اه ده تحفة اوي
نورهان : تحفة بس ده تالت طبق هي تاكله ما شاء الله
محمود : طيب اقوله ايه عشان اطلب
نورهان : قوله عايز اتنين كشري كبير
محمود بيطلب ………. معاذ داخل وبيدور عليهم ………. شافهم راح عليهم ……..
نورهان : معاذ ….. معاذ …
معاذ : ازيكم يا شباب اخباركم ايه ؟
محمود : حبيبي حماتك بتحبك اقعد اقعد
معاذ قعد جنب محمود ………….
معاذ : يخربيتك يا نور معدوش من تحت ايديكي وجبتيهم ياكلوا كشري
سهر : ده شئ توووووووحفة بجد
نورهان : شئ ها خدتوا بالكوا مصطلحات غريبة اللى بتتقال
كلهم بيضحكوا ………… تليفون معاذ بيرن ويرد ……..
معاذ : ايوة يا حبيبتي عاملة ايه ؟ …………… انا كويس ………… انا في مطعم …………. والله انا جيت صدفة ……….. هتيجي ……….. ماشي طيب تعالى وهعزمك على 26 كشري …………. يلا سلام
معاذ : مريم دي عاشقة الكشري في اسكندرية استنوها لما تيجي وهتشوفوا العجب في طريقة الاكل
نورهان : هي مريم دي اللى كانت بتكلمك
معاذ : اه
محمود بيميل على محمد ويهمسله ……………
محمود : انا بعشقك يا حبي كان زماني روحت واتنيلت لولاك
محمد : اي خدمة سيبني بقى عشان انا اتخنقت منك النهاردة ماشي
محمود : خلاص ياعم ده انت غريب بجد
نورهان : سهر حبيبتي كفاية كده يا حبيبتي هيجيلك تلبك يا ماما
سهر : طيب اوك ها يا محمود ايه رأيك
محمود : اختراع مش بطال
محمد : محدش يهتم بالشئ اللى بيتكلم ده دي اكلة تحفة
نورهان : الله عليك فينك من زمان مش واحد يقولى اختراع والتانية تقولى شئ
محمد برقة : انا موجود من بدري بس يارب تاخدي بالك
سهر بكسوف : احم احم
محمد : بقولك ايه ؟ وبيوطي صوته اكتر : وريني تليفونك كده وبياخد تليفونها
ويكتب رقمه ويتصل بنفسه
نورهان : ايه ده ؟ ان شاء الله
محمد : ايه ؟ مش يمكن احتاج افتح مطعم كشري في امريكا فهحتاجك تساعديني
نورهان : هههههههههههههه
سهر : حلو حوار انك تفتح مطعم كشري دي يا محمد جامدة لا وفي امريكا
محمد : يا نهااااااااااااااااااااار اسود انتي سمعاني
سهر : طبعا يا حبيبي لو انا مسمعتكش مين هيسمع يعني
نورهان : ههههههههههههههه
سهر : بطلي ضحك يا نور عشان شكلك بقى متخلف
نورهان تبوز ………
سهر : هههههههههههههه بهزر الله انتى مالك قلبتي ليه ؟
نورهان ترجع تبتسم تاني ………….
*****************************************************
مروة في العربية جنب هاني ………..
مروة : ممكن اعرف انت رايح فين وعايزني ليه ومتعصب ليه اصلا ؟
هاني : هنروح نقعد في اي حتة
مروة : ايوة ليه يعني ؟
هاني : عايز اتكلم مع حد وانتى اول حد فكرت فيه
مروة : تمام اوك هنقعد فين ؟
هاني : معرفش اي حتة
مروة : طب اطلع عالنادي
هاني : اشمعني
مروة : عشان انا جعانة وعايزة اكل
هاني : اه اوك ماشي
***************************************************
مريم تيجي وتبتسم اول ما تشوف محمود تدخل تسلم عليهم وتبوس معاذ وتقعد جنبه ……..
سهر : ازيك يا مريم اخبارك ايه ؟
مريم : تمام الحمدلله
نورهان : وحشاني موت
مريم : وانتى كمان ايه ده انتوا اكلتوا من غيري
محمود : لا لا لا ده كان تيست بس كان عينة بنجرب الاختراع الجديد
مريم : اختراع ؟ اختراع ايه ؟
نورهان : لا لا عادي دي مصطلحات اطلقت على الكشري شئ واختراع عادي يعني
مريم : اه انتوا اول مرة تدوقوا اه
سهر : اه بصراحة
مريم : يعني انا هاكل لوحدي ؟
معاذ : لا يا حبيبتي انا هاكل معاكي
محمود : وانا كمان عايز طبق تاني
محمد : وانا كمان
سهر : انا عايزة طبقين
نورهان : تمام حلو اوي انا الحق اروح اجيب حيسة فلوس واجي عشان ادفع
سهر : حيسة يعني ايه ؟
نورهان : يعني يجي خمسيمية ستميت عشرميت الف واجي ادفعلكم انتوا خلصتم على مخزون المطعم اللى شايلينه لمده شهرين
كلهم بيضحكوا ….