رواية عائلة آخر جنان الفصل الرابع والعشرين 24 بقلم مروة طارق
سهر في اوضتها بعد الضهر بتجهز نفسها عشان يروحوا لمامة معاذ ……..
سمر ومروة ومنار يدخلوا عليها ……………
مروة : مبروك يا سهر طيب مش تقولولنا انكوا هتنفذوا مشروع هنا ربنا يوفقكوا
سهر بتاخد اختها في حضنها وتبوسها ………..
سهر بفرحة : الله يبارك فيكي يا ميرو
سمر : يارب تفضل ايامك كلها فرحة كده على طول
سهر : يااااااااااااارب………… انتوا خلاص جاهزين ؟
مروة : اه ومن بدري مفضلش غير انتى ومحمود
سهر : طيب ايه رأيكم كده شكلى حلو الميكب مظبوط الطقم حلو
مروة : انتى كلك زي القمر يلا بقى عشان نرجع بسرعة
سهر : طيب مفيش حاجة عايزة تتظبط
سمر : لا مفيش يلا بقى
************************************************
محمد في اوضة محمود …………….
محمد : ما يلا بينا بقى دي سهر جهزت ونزلت من بدري تخيل
محمود : ماشي ما انا بجهز اهو
محمد : مالك ؟
محمود : مخنوق اوي
محمد : حصل ايه ؟
محمود : مفيش بس عقلى وقلبي اتقسموا نصين ومش عارف اعمل ايه ؟
محمد : طيب احكي
محمود : لا متشغلش بالك انت ويلا بينا انا جهزت اهو
محمد : ماشي بس مش هسيبك لما نرجع
*********************************************
كلهم واقفين تحت في قدام باب الفيلا ………….
ناهد بتدي محمود مفتاح …………
ناهد : ده مفتاح عربية بابا خد محمد ومهند واحمد وسارة معاك وانا هاخد باقي البنات وامشي ورايا متوهش عني فاهم ؟
محمود : حاضر ياماما
سارة : ماما هو احنا لازم نيجي معاكي
ناهد : انتى بقالك ساعتين تسأليني نفس السؤال وانا اقولك اه ويلا بقى
احمد: طيب بابا مش هيجي ليه معانا ؟
ناهد : بابا مشغول يلا بقى
يطلعوا مع بعض ويركبوا العربيتين ويبدأوا يتحركوا ………………..
************************************************
فريد دخل الفيلا تعبان وشكله متبهدل ………
طلع على اوضة مامته ………… دخلها ……..
مامته : فريد يا حبيبي كنت فين يابني قلقتني عليك
فريد : كان عندي شغل
مامته : عندك شغل بردو ولا هربان منها
فريد : ماما انا تعبان انا هدخل اخد شاور وانام شوية
مامته : ماشي يا حبيبي
يسيبها فريد ويدخل اوضته يطلع هدوم ويدخل الحمام …………….
***********************************************
معاذ في البيت محضر تورتة كبيرة …………………
مريم : ايه لازمتها التورتة دي بقى
معاذ : بمناسبة شركتنا يا قمر
مريم : يا سلااااااااااااام ومزاجك رايق كمان كل ده عشان الشراكة والمشروع الجديد بس
معاذ : ايوة
مريم : على مريم بردو مش عشان سهر جاية ونفسك تفرشلها الارض ورد
مامتهم تيجي من وراهم ……………
جميلة : مين دي اللى يفرشلها الارض ورد ؟
مريم ومعاذ : …………………..
معاذ : سهر
جميلة : سهر مين ؟
مريم : بنت طنط ناهد يا ماما
جميلة : يعني قصدك ؟
معاذ : عايز اتجوزها يا ماما
جميلة : بجد بتتكلم جد يا ما انت كريم يارب اخيرا يا حبيبي
مريم : براحة عليه يا ماما هما ميعرفوش حاجة لسة
جميلة : مش مهم
معاذ : طيب مش تشوفيها طيب
جميلة : دي بنت ناهد ناهد دي انا اللى مربياها بعد امها ما ماتت الله يرحمها
مريم : بردو ياماما تشوفيها
جميلة : ده انا اخطبهالك وانا مغمضة يا حبيبي
معاذ : طيب يا ماما متتكلميش في حاجة لحد ما اتكلم انا وسهر ونشوف هنعمل ايه ؟
جميلة : اللى تشوفه يا حبيبي
جرس الباب يرن …………
معاذ : اهم وصلوا ماما بالله عليكي متتكلميش في حاجة خالص
جميلة : حاضر متقلقش ………….
يرروح معاذ يفتح الباب ويستقبل ناهد والاولاد ……………
جميلة تروح تسلم على ناهد ……… وتاخدها في حضنها …………
جميلة : ازيك ناهد ازيك يا حبيبتي وحشتيني يا ناهد
ناهد : انتى اكتر يا طنط انا كويسة
جميلة تسلم على الاولاد ……….. ومعاذ ياخدهم ويدخل اوضة الانترية اوضة كبيرة فيها انتريه وصالون ……………
جميلة : ما شاء الله يا ناهد كل دول
ناهد : هو معاذ مقالكيش
جميلة : هههههههههه قالى بس مكنتش متخيلة
ناهد : ههههه ارادة ربنا بقى
جميلة : ونعم بالله تعالى ندخل نقعد
****************************************************
فريد خارج من الحمام بعد ما اخد الشاور لقى سلمى قاعدة على الكرسي اللى قدام الحمام …….
تجاهلها تماما وفتح دولابه ……….
سلمى : جيت امتى ؟
فريد متجاهلها ……..
سلمى : انا بكلمك رد عليا
فريد بعصبية : ما انتى لو قاعدة في البيت كنتي عرفتي
سلمى : واقعد ليه في البيت ماهو مش بيتي اصلا
فريد : عايزة ايه يا سلمى عايزة تتخانق انا بقى تعبان وبقالى يومين منمتش ومش قادر اتخانق خليها وقت تاني
سلمى : لا مش هتخانق انا خدت قرار وعايزاك تنفذه
فريد : قرار ايه ده