رواية عائلة آخر جنان الفصل الثالث عشر 13 بقلم مروة طارق
خالد وناهد في اوضتهم بعد الحفلة ……..
خالد : يااااااااااااااه انا مش مصدق اللى ولادك عملوه ده
ناهد : هههههههههه والله عملوا العجب بس بعيد عننا وعن دماغنا الحمدلله
خالد : ههههههههههه ده كل اللى هامك ان جنانهم بعيد عنك هههه
ناهد : اه طبعا انا هقوم اطمن عليهم
قامت ناهد دخلت كل اوضهم لقتهم كلهم نايمين ناموا على طول من تعب اليوم
رجعت ناهد لخالد ………..
ناهد : تحس انهم نايمين بقالهم كتييييييييييير مناموش
خالد : هههههههههه هما اللى عملوه النهاردة قليل هههههههههه يلا احنا كمان ننام
ناهد : يلا انا كمان تعبانة اوي
************************************************************
عدي شهر على ابطالنا خالد كان افتتح المستشفي ………..
ناهد غرقانة في شغلها كالعادة …………..
معاذ غرقان في الشغل مع فريد وسلمى ………….
هاني بيحاول يقرب لمروة ومروة فاهمة بس بتصده ……….
منار بتكلم اسلام كل يوم على الفيس …………..
سمر بتفكر تروح لفريد بس قلقانة تروح ………..
سهر طول الوقت بتفكر في معاذ وده مخخليها مش عارفة تفكر هتعمل ايه في شغلها …..
محمد ومحمود بيدرسوا فكرة شركة يفتحوها مع بعض ………..
*************************************************
اسلام : منار هو انتى ازاي مش بتتكلمي وبتسمعي
منار : انا كنت بتكلم
اسلام : طب وايه اللى حصل
منار : …………….
اسلام : اسف لو ضايقتك بس …… باباكي دكتور ازاي معرفش مشكلتك
منار : اسلام لو سمحت متتكلمش معايا تاني في الموضوع ده تاني ويستحسن متتكلمش معايا خالص سلام
وقبل ما يتكلم اسلام كانت منار قفلت اللاب واترمت على المخدة وقعدت تعيط كتيييييييييير ….
****************************************************
سمر وسهر قاعدين في مطعم ……………..
سهر : يا بنتي روحي بدل ما انتي معذبة نفسك كده ومش لاقية وكله مش فاهم افكارك
سمر : ما انا مش عايزة اخد فرصة غيري بيتمنى ربعها واحق بيها مني
سهر : يا ستي ما الراجل قالك انه بيشغل عنده الكفاءات كمان
سمر : ما يمكن يكون كلام
سهر : وهو يعني هيكدب عليكي ليه اصلا
سمر : معرفش بقى
سهر : بطلى جنان يا مجنونة انتى لقيتي فرصة استغليها
سمر : ماشي هكلمه بكرة واشوف
سهر : لا دلوقتي
سمر : دلوقتي ايه انتى مجنونة
سهر : ما انا عارفة انك مش هتكلميه فتكلميه قدامي اضمن
سمر : بس بقى خلاص بكرة قلتلك وبعدين نورهان جت اهيه
نورهان بتعب : مساء الخير
سمر : ايه يا بنتى المنظر ده باين علكي التعب اوي
نورهان : تعالى اشتغلى تحت ايد المدير معاذ وانتى تنتحري
سهر قلبها يدق لما تسمع اسمه ووشها يحمر ………….
سمر : ههههههههههه لا لا شكرا انا شغلى بعيد عنكم خالص الحمدلله
سهر بتفكر ومش مركزة معاهم ……….
نورهان : هييييييييييه يا بنتى
سهر : بتكلميني
نورهان : لا بكلم روحي بنده عليكي بقالى ساعة
سمر : اللى واخد عقلها اااااااااه
سهر : بطلي غلاسة انتى وهي
نورهان : هو انا اتكلمت
سهر : سمر هاتي تليفونك هعمل منه مكالمة
سمر : هتكلمي مين ها ها ؟
سهر : هكلم واحدة صاحبتي بس الشحن بتاعي خلص
سمر بتديهولها بشك : اوعي تكوني هتكلمي الجو
سهر : يا شيخة اتلهي
وتقوم سهر وتبعد عنهم ………..
نورهان : تفتكري هتكلم مين ؟
سمر : يمكن معاذ ؟
نورهان : تفتكري
سمر : مش عارفة
نورهان : لما تيجي هنعرف ابقى شوفيها كلمت مين
سمر تبص لنورها نظرة غريبة : انتى طيبة اوي يا نورهان فوقى يا حبيبتي ده على اساس انها هتسيبلي الرقم اشوفه بعد ما تخلص مكالمتها عثل والله يا نور عثل
سهر بتدور على رقم في تليفون سمر ………….. تطلب الرقم …..
سهر : الوووووووو ………… ايه ده مش افتكرتني انا سمر ………… تمام كويسة ……. بصراحة كنت بفكر ………. انا هاجي اقعد معاك واعرف انا هعمل ايه الاول وبعد كده افكر ……… لا لا المرة دي هاخد قرار بسرعة سواء بالرفض او بالقبول متقلقش …….. اوك اديني العنوان ………… اوك هكون عندك بكرة الساعة 10 بالظبط ….. اوك تمام ….. مع السلامة
سهر لنفسها : عشان تبطلى تعندي يا سمر
سهر بتمسح الرقم قبل ما ترجعلهم ……….. ترجع سهر ليهم تاني …
سمر : ها كنتي بتكلمي مين ؟
سهر : وانتي مالك ؟
سمر ونورهان بيبصولها بشك ………
سهر : مش اللى في بالكم وارتاحوا انتوا الاتنين مش هو ………ز انتوا مش هتطلبوا اكل بقى ولا ايه انا جعانة اوي
******************************************
محمود ومحمد قاعدين في جنينة الفيلا ………….
محمود رايح جاي ……………
محمد : اقعد بقى خايلتني يا اخي
محمود : مش قادر يا محمد عايز اشوفها نفسي اشوفها مرة واحدة بس
محمد : مينفعش
محمود : اه ما انتا مش هامك حاجة كل يوم بتشوف نورهان ولا هامك
محمد : هو انا يعني بشوفها بحب فيها ما انا مبعرفش اتكلم قدامها كلمتين على بعض
محمود : طيب انا لو شوفت مريم هتكلم
محمد : متنساش انها اخت معاذ يعني مش ارتباط وشهرين تلاتة وتكتشف عيوبها وتسيبها نظام هناك مينفعش هنا
محمود : وانت بقى هتعمل كده مع نورهان
محمد : وانت مالك ومالى انا ونورهان ياعم خليم في نفسك
محمود : بس خلاص لقيتها انا هروحلها الجامعة
محمد : وهتروح بصفتك ايه ؟
محمود : مش عارف
محمد : طيب ما تروح على اساس انك رايح تعمل دبلومة في ادارة الاعمال مثلا
محمود : ايوة صح انت فين من بدري
محمد : انا موجود انت اللى مش واخد بالك مني
محمود : تمام حضر نفسك بكرة من النجمة هنقف قدام الجامعة
محمد : نعم وانا مالى انا لا لا لا روح انت لوحدك
محمود : محمد حبيبي انت اخوي اللى مجبتهوش امي اقف معايا المرة دي
محمد : ماشي عشان حلفتني بس بعدم الاخوة اللى بيني وبينك
محمود : حبيبي انا طالع انام ويحدفله بوسة ويقوله : سلام
محمد : طالع تنام وبوسة وسلام ربنا يشفيك يا محمود
***********************************************
مروة واقفلة في المول هي ومهند بيشتروا اللى ربنا بيقدرهم عليه …… تليفون مروة يرن ……
مروة : الو ……. ايوة مين ؟ …. ايوة يا اسلام ازيك ؟ ……… ايه اللى حصل …….. طب انا مش فاهمة ………. طب بص انا ومهند في سان دلوقتي تقدر تيجي ……… طيب هستناك في ستار انا ومهند …… يلا سلام
مهند : في ايه ؟ ماله
مروة : مش عارفة بس هو مش عارف يوصل لمنار لدرجة انه كلمها على التليفون من يأسه بس لقى تليفونها مقفول
مهند : طيب لما يجي نفهم
ينزل مهند ومروة يقعدوا ويستنوا اسلام …….. اللى بيلاقوه جاي على ملا وشه ………
اسلام يقعد على الكرسي اللى قدامهم …….
مروة : اهدي بقى واحكيلي ايه اللى حصل ؟
**************************************************
سمر وسهر يروحوا ………. سهر تروح لسمر الاوضة …….
سهر : على فكرة يا سمر … ا انا اه انا كنت عايزة اكلمك في موضوع بس مش عايزاكي يعني تاخدي الموضوع محمل شخصي
سمر : انا مش فاهمة حاجة انجزي
سهر : بصراحة بقى انتى عندك معاد بكرة مع فريد في مكتبه
سمر : اييييييييييييييييييييه ؟ انتى بتهررررررررررررررررجي
سهر : اهدي اللى حصل حصل وانتي عندك ميعاد بكرة معاه الساعة 10 في …….. ولازم تروحي لانك انتى اللى كلمتيه
وطلعت سهر تجري برة الاوضة وسمر واقفة مذهولة …….
*******************************************************
مروة : انت بتهررررررررررررررج انت ازاي تكلمها في حاجة زي دي
مهند : اهدي يا مروة هو مغلطش
مروة : مغلطش ازاي يعني ؟ هو ماااااااااااااااله ؟
مهند : لا له لاننا سمحناله يدخل حياتنا وانا وانتى وهي اعتبرناه صديق
مروة : انا قايمة رايحة لمنار دلوقتي
قامت مروة من غير ولا كلمة
اسلام : انا بجد اسف والله اسف انا مكنتش اعرف انا اتكلمت عادي كنت بفكر بس مع منار
مهند : انا هحكيلك ايه اللى حصل لمنار خلاها كده بس اوعدني ان ععمرك ما هتكون سبب تتأذي بيه
اسلام : اوعدك
مهند : الموضع يا سيدي ……