اني ما ضحكت .. اني ابتسمت !
و ابتسامتي واضح مصطنعة ..
مافهمت شيقصد.
غشمت حالي و سويت روحي غلطانه ..
اخذت غراضي و طلعت ..
صارت بوجهي سؤدد توها جايه من المحكمة ..
سألتني بخفوت : شكو !
-هااه ماكو شي بس اريد اطلع ..
تعبانه و محتاجة ارتاح ..
هو جان كاعد و باب مكتبه مفتوح ..
قبل لا افوتله استأذن ، باغتني و كال و بدون ميشيل نظره الي : ست سارة اليوم روحي ارتاحي ماعدنا شي …
ما اهتميت كل الي يهمني ارجع لبيتي بسلام
واخذ قسط من الراحة انعزل عن العالم كله ..
مدري شگد نمت .. حدما كعدت على صوت الباب و جنه راح يتكسّر
مديت ايدي على جوالي ، محترك حرك بالمكالمات ، عمتي و زهراء و هُشام و جهاد ……
ضربت كصتي : اوووه نسيت ابلغهم اليوم راجعه لبيتي
دزيت مسج لزهراء اطمنها اني بالبيت
طلعتلي 3 نقاط كتابة مدري شجاي تكتب ..
لحظات و اجاني المسج : وينج يمعودة مو خرطنا العافية
راسلتها : بعدين افهمج !
اريد انزل اشوف منو …
صحت منو من ورا الباب
اجاني صوته معصب ..
جهاد : افتحي الباب سارة !
همست بتعب : جهاد الله يخليك روح
تعبانه و مالي خلك ..
-افتحي الباب سارة .. يولي بجهنم ان شاء الله