ورغم حالتهم المادية التعبانة ، طالب يحل الموضوع مادياً
بالنهاية هذه بنته و سمعتها سمعتهم .
و حالف يبيع الوراه و الي گدامه و يعوضنا
رواية ظلمات امرأة منسية الفصل السادس عشر 16 بقلم هالة آل هاشم – للقراءة المباشرة والتحميل pdf
عمامي مقهورين علي
و مفهمينه الموضوع أكبر من الماديات الي
لاهمه و لا اني بعازتها ..
اهلها رايحين لجهاد و واكعين دم يم رجليه
رافض يتدخل و بالعكس مفهمهم هو رح
يشهد ضدها بالمحكمة ..
اني هنا ضعفت ، و اعتبرت فترة بقائها بالتوقيف عقوبة مناسبة .
و يكفي انها عاشت هذه الايام الثقال ..
و عاطفتي تجاه امها الي تذكرني بأمي غلبتني
الى ان توصلت لقرار نهائي اتنازل عن حقي بالشكوى ضدها .
و اشتكيها للقاضي الاعلى رب العالمين تاخذ جزائها العادل ..
من مات احمد و اني كل ليلة اكوبس و اتخيل رند تلحكه بنفس الطريقة ..
و رغم اني المظلومة احس بظلم و ندم كبير تجاههم
لذلك قررت هالقرار .
و بيومها رحت ابلغ وليد بهذا القرار بأعتبارة المحامي المسؤول عن قضيتي ..
لكن حدث ما لم يكن بالحسبان .. و ردة فعلة صدمتني !
وليد : على اي اساس قررتي و جاية تتنازلين ؟!
سارة : على اساس اني صاحبة الشأن استاذ ؟
رند اخذت عقوبة مناسبة لحد الان و بصراحة ما حابة
يصير شي وياها و اندم بعدين !
ضرب المكتب بقبضة ايده لدرجة فزيت ويبس حلكي !