ادري بيج شايلة على عمامج و شايله ع الدنيا المارحمتج
بس اخر واحد ممكن يكون عدوج هو جهاد
اخر واحد ممكن يأذيج هو جهاد ..
الله يخليج فكري عدل
اذا راح من ايدج بعد ما يرجع ساعتها ما يفيدج الندم .
-زهراء ممكن تجاوبيني على هذا السؤال ؟
رواية ظلمات امرأة منسية الفصل السادس عشر 16 بقلم هالة آل هاشم – للقراءة المباشرة والتحميل pdf
– شنو الي صاير بين ماما الله يرحمها و بينها ؟
وليش هالكد تكرهني ؟
زهراء تلعثمت و ارتبكت :مماكو شي يسوى وداعتج
اني ما اعرف كل القصة .. بس يمكن التاريخ يعيد نفسه !
-اووو سارة ، الله يخليج اتركي هذا الموضوع لان ابد ما راح يفيدكم بشي
ركزي ع الحاضر هسه و على الي بين ايديج .
سارة /
حسيت زهراء تحجي بكلام اكبر من عمرها و دفاعها عنه اثار فضولي صراحة ، ماشفت هذا الدفاع حتى على اخوها ..
استغربت و تمنيت لو اعرف جهاد شمسويلهم حتى يحبونه كل هذا الحُب لدرجة متغاضين عن اخطاءهويايه ،
هل لاني ظهرت بحياتهم مؤخراً على عكس جهاد الي صارله عمر وياهم او اكو اسباب ثانية ..
زهراء : وين صفنتي ؟
سارة : هاه .. وياج !
هسه عوفينا من جهاد و من نضال و بناتها
و كومي خل ندبر نفسنا و نشوف شنو نلبس بالحفلة
لج لهسه كل شي ممحضرين !
زهراء : اني ما اروح ، خلي يطفحن وحدهن !