رواية ظلمات امرأة منسية الفصل الرابع عشر 14 بقلم هالة آل هاشم – للقراءة المباشرة والتحميل pdf

فاضت المحاجر بالدمع و معرفت اجاوبه ..

ودعني وراح ، و الكارت بيدي ضميته بجنطتي

و تخيلت كل هذا الحديث محض مجاملة او اسقاط فرض !

هم وين و اني وين بيناتنا مسافات شاسعة

و حزن و ثارات و جروح بگدهن ..

اعتبرت هذا اللقاء عابر و مستحيل راح

يضيف شيء لحياتي ..

::

جهاد :

باجر سنوية عمي و اتفقنا كلنه نروح نجتمع ببيت عمي و الفجر نطلع سويه للمقبرة ، والدي و مجاهد لزموني أكثر من مرة و حاجوني اذا الموضوع بي احراج الي اكدر ما اروح و هم يسدون مكاني بس رفضت رفض قطعي و روحتي باجر مابيها نقاش ، هذا عمي العزيز الي اختارني و أمني على لبة گلبة و اني للاسف مگدرت احافظ ع الامانة على الاقل اروح و گلبي مليان اعتذار اله و اسأله لوجان يكدر يسامحني ، و ما انكر الگلب مازال يحنلّها و يرجف لطاريها و ما انگر جنت محتاج اشوفها و اشوف شلون صارت بغيابي ، جنت محتاج اعرف كل تفصيلة عنها و اسكت فضولي حتى لو اعرف شوفتها راح تأذيني و ما راح تقدم و لا تأخر ..

ثاني يوم توجهنه كلنا لبيت عمي عدا امي مكدرت تجي بحكم حالتها الصحية بس عماتي و بناتهن و عمي نصير و ولده و ناز الوحيدة الي بقت يم امي تداريها ..