تزوجت امي بابا و تمت مقاطعتها عدا والدتها و كمال كان اكو تواصل ضعيف .
رغم مساعيها الكثيرة حتى تصلح الامور وياهم ..
لكن قُوبلت بالرفض و الجحود ، جانت تعاني من الطرفين
من اهلها و اهل بابا الي حاربوها بسبب ديانتها و عرفها و اختلاف العادات .
احياناً جانت تلتقي بأمها و جمال خلسة
و لمن عرف الاب گلب الدنيا و هددها ..
من تالي اخذ عائلته و هاجر برا البلد من بدأت الظروف تسوء ويا المسيحين .
و دموعنا تحاضنن على مأساتنا المُشتركة
من يحجيلي معاناتها و شگد تأذت من العيال و من اهلها
من حبلت أَكثر من مرة و اجهظت و محد يمها
من حبلت بيه ، و من ولدتني .. و احتياجها لامها ..
جان اكو بيناتهم رسائل الى ان انقطع كل شي ..
و السبب واحد قسوة جدي !
جانت بنته المدللة شلون انطاه گلبه
هو هيج الحُب قاسي لو احنا منعرف نتعامل وياه صح ؟
للاسف جان متوقع لمن يضغط عليها و يحرمها من امها
والدتج راح تقنط من الحب و تيأس من الوحدة و ترجعله !
و الي حصل خارج توقعاته ، والدتج مرة سباعية تحملت كل الظروف و ماتخلت عن ابوج و عنج بس المرض باكها منكم بوكه !