انفصالنا اني و خطيبي ما يشبه اي انفصال
و لا اي قضية من هذه القضايا .
رواية ظلمات امرأة منسية الفصل الرابع عشر 14 بقلم هالة آل هاشم – للقراءة المباشرة والتحميل pdf
-جنتِ تحبيه ؟ “يسأل و مركز بوجهي مثل الي يدور الحقيقة من العيون ”
عقدت حواجبي مزعوجة من سؤاله و أكتفيت بجملة :
-الحب وحده مو كافي لبناء علاقة متينه استاذ !
-الي صار مو ذنبج ، اعتبريها مرحلة و انتهت من حياتج .
انطيته ابتسامة مصطنعة كمجاملة و مدري ليش اخذت راحتي و سألته :
– حضرتك ممتزوج ؟
جاوبني بعبوس :ليش تسألين ؟
-مو قصدي بس من باب تجاذب اطراف الحديث !
-مااحب احجي بأمور خاصة !
-العفو استاذ ما قصدت التدخل بأمورك الشخصية ، بس مو تشوفها تناقض من حضرتك و انت صارلك ساعة تسألني عن خصوصياتي
بينما متقبل اسألك عن شيء خاص .
كام على حيله و ينافخ ، حك طرف انفه و نوب گال
– اعتذر اذا اقتحمت خصوصيتج بسؤالي !
شكله ضاج. لان رأساً و طلع ..
هذا شبي ، هم حظي يجيبلي شكو واحد معقد يحطه بحياتي .
وليد طبعه كلش صعب و مبهم و ماتعرف شنو يريد
ساعة يبتسم و ساعة يعقد الحاجبين و ما يعجبه العجب !
و هو ملامحه تساعد ع الكآبة ، بشرته فاتحه و ملامحه حادة
الي يميزة عنده نونه بالحنك ، شكلها لطيف بس تحس وجودها غلط
بوسط هذه الملامح المشدوده !