اختلط الهوا بريحة انفاسه و التبغ و شيء من الغضب
رواية ظلمات امرأة منسية الفصل الثاني والعشرين 22 بقلم هالة آل هاشمش – للقراءة المباشرة والتحميل pdf
همس :
هاي مو اعذار …
احجي الحقيقة ساعتها ممكن انظر بأمرج
غيرها …
ماكو انفصال و ربج تموتين و اسمج بهويتي !
عدل وكفته يعاينلي بـ اصرار
و اني بديت اضعف و عزيمتي تخاف
اريد احجي … بس شكول
اخر شي نطقت ..
-خايفة منك .. انت بحر مال اسرار
الولد الصغير طلع ابنك
و لا تنكر لان عرفت !
و لا تسأل شلون عرفت لان مو مهم ..
ابنك الكبير ما راضي بزواجنا
نظراته ب اشمئزاز الي ..
بعدين ما حجيتلي عن الحب الي فشل ..
هنا و كأن اشعلت فتيل انفجار
من جبت طاري حبه القديم
لزمني من وجهي … عصره و حسيت اسناني صگت
و فكي يستغيث من الألم …
يحجي من تحت اسنانه ..
-يول لسانج اكصو يول
ان جبتي طاري هالموضوع ..
حياتي گبلج ما لج حق تتدخلين بيها
و لا تجعليها موضوع للنقاش
و يوسف ابني ..
شراح يأثر عليج ان جان عندي ولد و لا عشره
انتِ وافقتي رغم حجيتلج انه منفصل
و عندي ماضي ..
نزلن دموعي ..
مااكدر احرك شفايفي و اكله دتأذيني
روحي تتألم منه .. و من منظره المرعب
حجه بخفوت : ول لا تورين گلبي
امشي عدل احسن الج
و چلمة الانفصال ما اريد اسمعها بعد
ادفنج بأرضج و محد يفزعلج يول