رواية ظلمات امرأة منسية الفصل الثاني والعشرين 22 بقلم هالة آل هاشمش – للقراءة المباشرة والتحميل pdf

بس انصدمت بواقعي من صارحني بشعورو

و كال انه يحب وحده غيري و بأن اقطع الامل عنو

بچيت بوقتها و عزت علي نفسي

شلون رخصت نفسي و شلون عشت حلم ناقص وياه

ترجيته تا ميطلگني ..

خصوصاً من عرفت بروحي حامل شلت من ليلتي .

و رجع بيا الامل و كلت بلكي من يشوف الجاهل گلبو يحن

و يتخذني زوجة ..

لكن كل ما اقترب منو خطوة يبتعد الف ..

طايح منتهي بغرام وحده تعرف عليها ببغداد

يعرفها من زمن طويل ..

و يروحلها كل فترة ..

و حلف ما تصيرلو مرة غيرها ..

عقدت حواجبي و كأن الاسم سمعته گبل ..

استطردت بحديثها ..

شريهان حبو الاول قبل لا يتزوجني

ومن تزوجني ساءت اوضاعو معاها

و زعلت منو و هو يجي يذب حركتو بيه

وانه حامل ..

تحملت منو اشكال الالم

حدما تبنج عقلي من الذل و الاهانه

و الانتقاص ..

حتى اهلو صارو ما يحترموني

وخلوني خدامه تحت رحمتهم

متفضلين عليه بالعيشه

و الحرمة الماعدها سند و ظهر و عزوة

تنداس بالمداس و ما تفك حلجها ..

جبت ابني و اضطريت اتحمل