رواية ظلمات امرأة منسية الفصل الثاني والعشرين 22 بقلم هالة آل هاشمش – للقراءة المباشرة والتحميل pdf
كل الي اشعر بي بهاي اللحظة هو ندم عارم
دبّ بكل خلية من جسمي
لان اخذت قرار الارتباط بلحظة ضياع
بلحظة ضعف يمكن ..
بلحظة تسرع …
ردت اقصر الحلول اخلص بيها من المشاكل
ردت اسلك طريق غير طريق جهاد و اهله
و انسى ضيم عمامي
و الناس الي تخلّت عني
ردت انشيء عالم خاص بيه
بيت دافي و اطفال يصيحولي ماما
انسى بيهم دمعة اليُتم
و انسى بيهم شعور تكون مقطوع من شجرة !
هل اذنبت يا تُرى ؟
هل طالبت بشيء مو حقي ؟
احلامي جانت بسيطة
بسيطة و دافيه ..
ليش الدنيا مستكثرة عليه اعيش
خلص لهنا و كافي …
لشوكت اضل مدبغة للرايح و الجاي
عرضة لاستباحة مشاعري و كرامتي
لشوكت اضل مُغفلة وجاهله تحت شعار “طيبة القلب”
لازم اغيّر تفكيري .. اصحح مساري
اسلك طريق ثاني و اتخذ قرارات مُتزنة
جنت احجي ويا روحي هواي
و اصبر بيها الى ان جا صوته قاطعني
يا الله … شگد تنفست براحه
و هو حسّ من تنهيدتي …
-شبيج بويه خاطفج اني ..
دحكي هسه رجع اللون لخدودج
جنتي عبالك نوميه ..
همست و قبل لا يدعي نفسه للدخول
-ول يابه .. هالكثر زعلانه مني
و گلبج محمل عليه ..
يول عش هيج تتصرفين مو آنه رجلج
يشهد ربي ما نيتي اغصبج على شي ما رايدتو
انه ردت اعودج علي ..
زفرت انفاسي و صبري بدأ ينفذ