عصام يضحك ضحكة قصيرة، فيها استهانة:
عصام:
الملاحات؟
هنغيرها.
والدولة عايزة إيه؟
فلوس.
والخير هييجي… ويبقى كتير.
محمود يقرب منه، صوته واطي بس مليان تهديد:
محمود:
الخير اللي جاي على خراب ناس تانية… ده مش خير.
وأنا مش هكون شريك في كارثة.
عصام يضيّق عينه، نبرة صوته تقسى:
عصام:
خد بالك إنت بتكلم مين يا محمود.
الصفقة دي أكبر منك ومني.
وفي ناس فوق مستنية تمضي.
محمود يقف بثبات، من غير ما يتهز:
محمود:
وأنا مش همضي على حاجة تدمّر البحر والناس.
لو عايز المشروع يمشي… يبقى في مكان تاني.
غير كده؟
اعتبرني برة الصفقة.
لحظة صمت تقيلة.
عصام يقوم ببطء من على الكرسي، يقرب من محمود، يقف قصاده مباشرة:
عصام (بصوت واطي مليان خبث):
واضح إنك اتغيرت ، يعنى اخوك فكره غيرك خالص ، والظاهر إننا نتفق مع باقى العيله احسن ، ولا مع المدام التانيه
محمود ………
العيله مش تعمل حاجه من غير ماانا أوافق، اما فكرة انك تهددني بجوازى التانى ، فده عادى ، عايز تقول قول ، كل واحد وعنده أوراقه وعنده الناس التقال بتوعه
عصام…….
بس خليك فاكر…
اللي يقف في وش الشغل الكبير…
الشغل الكبير ما يرحموش.
محمود يبص له في عينه من غير ما يطرف:
محمود:
واللي يبيع ضميره…
بيخسر نفسه قبل أي حاجة.