رانيا كانت لسه باصة على الإعلان: — أيوه… قرب.
وبعدين بهدوء، وهى بتطوى الورقة: — ابتسام…
هو انتى تؤمنى إن الطرق ممكن تتقاطع من غير ما نستأذن؟
ابتسام بصتلها شوية، وقالت: — على حسب… إحنا رايحين فين؟
رانيا حطّت الورقة جنبها، ورجعت تكمل الأكل، بس المرة دى…
كانت عارفة كويس
إن المقابلة الجاية مش هتيجى صدفة
.الشركة بخطوات ثابتة، كل حاجة حواليه بتشهد له بالوقار…
الهدوء، النظام، الوجوه اللى بتسكت أول ما يشوفوه.
عيونه كانت ثاقبة، ما بتهزرش، بتعدّى على التفاصيل زى الميزان.
فتح باب مكتبه، دخل، حط المفاتيح على المكتب، ولسه هيقعد، رفع عينه وقال بصوت هادى بس حاسم: — فين مسؤول المكتب؟
دخل الراجل على طول: — تحت أمرك يا محمود باشا.
محمود قعد، شبك صوابعه، وبص قدامه: — إيه شهر ونص ولسه السكرتيرة المطلوبة ما جتش؟
المسؤول بلع ريقه وقال: — يا محمود باشا… الألف اللى اتقدموا، ما عجبنيش سيادتك فيهم.
كلهم يا إمّا خبرة من غير شخصية، يا إمّا شكل من غير عقل.
بس فى مجموعة جاية النهارده، وإن شاء الله ييجى حد يعجب حضرتك.
سكت محمود شوية، وبعدين قال: — أنا مش عايز واحدة تحفظ مواعيد وبس…
أنا عايز حد يفهمنى من غير ما أتكلم.
المسؤول هز راسه: — فاهم يا باشا.