وصلتى ؟!!!!
رانيا …….
لاء لسه هناك ، تعالى شوفى رجلى جرا لها ايه ؟
ابتسام…….
اتخضت عليكى امبارح ، بس الخطه ماشيه زى مااحنا عايزين بالظبط
رانيا…….
اتنهدت ، حلو انك وصلتي فى الوقت المناسب ، والا كان ممكن رمانى فى مستشفى
ابتسام …….
لاء لما مفعول المخدر اشتغل معك وفعلا اغمى عليكى ، انا كنت براقبك من بعيد وأول لما شفته شايلك وطالع بيكى من الشط ، جريت عليكى وقولت له انى مساعدة دكتور ، وبلاش المستشفى دى
اه تعالى هنا ياست ابتسام وايه لازمه كلمتك جوزك كان مخضوض عليكى قوى دى
يابت لزوم الشغل ، برق قلبه بس الود مز وعضلات ابن اللذينه ، عرف يبلف الهبله دى
اتنهدوا وبصوا عليها بحزن
هى اللى غلطت وسلمت نفسها لواحد كل يوم مع واحده شكل
بس اتجوزها
اه اتجوزها عرفى وكان ينفع ، ولا علشان احنا اتربنا فى ملجأ ومش لينا اهل نبقى لقمه سهله ، دا احنا بالذات لازم نحافظ على نفسنا والا نجيب مننا نسخ جديدة ، ويبقوا ولا ام ولااب ولا حد خالص
اه بس انتى معروف اهلك عيله ألمراكبى يعنى لو رحتي وقولت ليهم انك حفيدة طه المراكبى بنت بنته مايصدقوا يلاقوكى
والنبى بطلى هبل ، هيعترفوا ان بنتهم اتجوزت حته صياد صغير على مركب من آلاف المراكب عندهم وهربت منهم وراحت معه ، دا لولا الحاجه فاطمه خدتني كانوا قتلوني معهم اروح اخد دش ، ونعمل لقمه ناكلها اصل انا جعانه قوى……