رواية طرح بحر الفصل الرابع 4 بقلم الكاتبه ميادة يوسف الذغندى حصريه في مدونة قصر الروايات
رواية طرح بحر الفصل الرابع 4 بقلم الكاتبه ميادة يوسف الذغندى حصريه في مدونة قصر الروايات
#_الحلقة_الرابعة
#_رواية_طرح_بحر
#_بقلم_ميادة_يوسف_الذغندى
جرى بسرعه وشدها من ايدها
شهقت من الخضه ، كان ماسك دراعها وضاغط عليه ، وكان كله عصبيه انتى بايعه عمرك ، ازى وصلت بيكى الجراءة انك تقولى لى خد الفلوس اللى دفعتها ، انا محمود المراكبى اصرف عليكى وعلى بلدك كلها وبعدين انا جبتك هنا بمزاجى، تبقى تمشى من هنا بمزاجى بردوا
شدت ايدها وزقته بكل قوتها ، الظاهر انت مش عارف بتتعامل مع مين ، اظن انت جبتنى هنا زى ماقولت لوجه الله ، شفقه عليا ، انا بقى بشكرك على كرم أخلاقك، ولحد هنا وانتهى المشوار بينا ياااا ، يامحمود يامراكبى سلام ، وخرجت وقفت عند باب الاسانسير وهو وقف مصدوم من رده الفعل ومن تحولها العجيب ، اوقات تبقى قطه ناعمه حنونه واوقات تبقى نمرة شرسه .
ركبت الاسانسير وهى بتفكر فى الخطوة الجايه ، نزلت شاورت لتاكسى ونزلت قدام عمارة قديمه وطلعت شقتها وهى بتعرج دخلت على اوضه فيها بنت فى العشرينات من سن رانيا بس قاعدة فى السرير ومعلقه محاليل ، قربت منها باست راسها ، فجأة الباب فتح