والسر اللي كانت نورا مخبياه…
قلب الموازين،
وفتح باب نار لسه هيولّع أكتر في اللي جاي.
بقلم ميادةيوسف الذغندى
محمود وصل شقة نورا،
فتح الباب وهو مش شايف غير غضبه.
عينه جت على منار.
الكلمة طلعت من بقه تقيلة وحاسمة:
– منار.
سكت لحظة، وبعدين كمل:
– يالا…
هتروحي بيت المراكبي.
ده بيتك،
ومكانك الأصلي.
الصدمة كانت واضحة على وشها.
رانيا كانت واقفة،
مش فاهمة،
ولا قادرة تلحق اللي بيحصل.
من الصدمة، كانت مش قادرة تحدد:
تصدق مين؟
ولا تمشي ورا قرار محمود؟
ولا توقف قدامه؟
وقفت قدامه لحظة،
صوتها طالع بصعوبة:
– ليه؟
إيه اللي حصل؟
إيه اللي قلب الموازين كده؟
محمود بصّ لها بنظرة مش شبهه،
نظرة فيها قسوة،
وفيها وجع،
وفيها قرار متاخد.
ما ردّش على طول…
كأنه بيحاول يلاقي كلام يطلع من غير ما يكسّر كل حاجة.
واللحظة دي،
كانت بداية مواجهة
هتغيّر مصير الكل
رانيا قربت منه خطوة، وصوتها كان راجف:
– قول إيه اللي حصل…
فهمني يا محمود.
محمود بصّ في الأرض لحظة،
وبعدين رفع عينه،
وصوته طالع محمّل بغضب مكبوت:
– اللي حصل…
كنت متوقّعه.
سكت ثانية وكمل:
– هي لا يمكن تكمل،
ولا يمكن تحافظ عليه.
ضغط على سنانه،
والكلمة طلعت منه تقيلة:
– إهمالها،
وأنانيتها،
وجريها ورا عمليات التجميل…
ضيّع كل حاجة.