رواية طرح بحر الفصل الحادي عشر 11بقلم الكاتبه ميادة يوسف الذغندى حصريه في مدونة قصر الروايات
رواية طرح بحر الفصل الحادي عشر 11بقلم الكاتبه ميادة يوسف الذغندى حصريه في مدونة قصر الروايات
#_الحلقة_الحادية_عشر
#_رواية_طرح_بحر
#_بقلم_ميادة_يوسف_الذغندى
نزل من المكتب بسرعة، كأن الأرض بتتزحلق من تحت رجليه.
وصل المستشفى، واقف في الاستقبال وأنفاسه متلخبطة.
– مدام نورا المراكبي؟
الممرضة بصّت في الكمبيوتر شوية، وبصوت هادي قالت:
– أوضة العمليات… الدور التالت.
طلع السلم وهو قلبه بيدق في ودانه.
واقف قدّام غرفة العمليات، الإضاءة بيضا قوية، والوقت تقيل كأنه واقف.
بعد دقائق طويلة، خرج دكتور ومعاه ممرضة.
وشّهم كان ساكت… ساكت زيادة عن اللزوم.
قرب بخطوات مترددة:
– طمنّي يا دكتور… نورا عاملة إيه؟
الدكتور أخد نفس عميق وقال بصوت مهني هادي، لكن وقع كلماته كان تقيل:
– مدام نورا كانت داخلة تعمل عملية تجميل…
لكن حصلت مضاعفات غير متوقعة.
للأسف… فقدنا الحمل.
الكلمة وقعت عليه زي الصاعقة.
حس الدنيا بتلف بيه.
كمّل الدكتور:
– كمان مدام نورا دخلت في غيبوبة مؤقتة،
وحالتها دلوقتي تحت الملاحظة الدقيقة.
سند بإيده على الحيطة، رجليه ما بقتش شايلاه.