كلام سهل يتقال…
وان ده مش فيلم منك علشان تلهف حق ثريا
محمود وهو ماسك إيد منار بإصرار:
مافيش حاجة مستحيلة.
دار الأيتام موجودة اللي اتربت فيها.
وفيه تحليل DNA…
وأنا مصدّق.
قرب خطوة، وبص للحاج أبو النور بثبات:
مصدق في اللي شوفته في ملامحها،
وفي الشبه اللي مش كدبة،
وفي الإحساس اللي قال لي إن الحق ده عمره ما ضاع… بس كان مستني وقته.
منار دموعها نزلت، بس صوتها كان ثابت:
أنا مش جاية أفرض نفسي على حد.
أنا جاية آخد اسمي.
جاية أرجّع حق أمي وأبويا في عيون الدنيا،
حتى لو بعد العمر كله.
أم حسام بصتلها بحيرة:
يعني…
إنتي هتعيشي هنا؟!
وسطينا؟!
محمود رد قبل منار:
آه.
علشان ما يبقاش الحق على الهامش تاني.
اللي اتطرد برّه، يرجع بعزّه.
الحاج أبو النور سكت شوية، وبص في الأرض،
وكأن العصاية تقيلة في إيده أكتر من العادة.
قال بصوت مبحوح:
ولو التحليل طلع مش زي ما إنت فاكر؟!
ساعتها هتعمل إيه؟!
محمود بثقة:
ساعتها هبقى أول واحد أعتذر.
لكن لو طلع زي ما أنا متأكد…
ساعتها مش هقبل نص اعتراف،
ولا نص حق.
السكوت لفّ المكان،
سكوت كله ترقّب،
وكأن البيت نفسه مستني نتيجة
مش تحليل بس…….بتبع
تكملة الرواية بعد قليل
لمتابعة باقي الروايه زورو قناتنا علي التليجرام من هناااااااااا